MATIUS 5:46 - Tanou Moonsoi Timugon

⁴⁶ Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

MATIUS 5:46 ပူးပေါင်းရင်းမြစ်များ

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

MATIUS 18:17

Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”

MATIUS 5:47

Amon ru rangan mino ayuk tabion min atan niayuk bonsoi no? Ulun ondo' kalo makaulig ri Aki Kapuuno' pana mambaal niayuk koson raginio!

MATIUS 6:1

“Karaa' min, pai' kau pambaal ra kandoi ru ugama mino ra tatanga' ru ulun masuang koson makito kau ru ulun. Amon ru baalon min koson raginio ra tatanga' ru ulun no, akau ti matatakan ra barakat ri Ama' min giu' ra suruga'.

MARKUS 2:15

I Jisus am maamaya'-maamaya' Nano pana nangakan giu' ra baloi ri Liwi, masuang mampalulur ra cukai am ulun ondo' karaan ra malaat giminulung. Masuang niayuk intor risilo minaya' ri Jisus.

MARKUS 2:16

Paat ra mangingila' ra Ukum ri Musa intor ra tayar ru Parisi nakakito ri Jisus giminulung ra ulun mampalulur ra cukai am ulun-ulun ondo' karaan ra malaat, pangkuot ilo ra maamaya'-maamaya' Nano, “Kua gulung Io ra mampalulur ra cukai am ulun-ulun ondo' karaan ra malaat?”

LUKAS 15:1

Paat ra sangarawan, ulun mampalulur ra cukai am ulun ondo' karaan ra malaat minongoi pangkirongog ri Jisus.

LUKAS 18:13

Kaa' mampalulur ra cukai no giu' ayuk ra tinaulian am kalo makakau' mantingaa' ra suruga'. Luntugo' no kubab sabap ra mangiluk guang nali liliwa' minindagu, ‘Aki Kapuuno', pakaasi' no raki' ulun makatula ti!’ ”

LUKAS 19:2

Giu' i mokoondo' sangulun tingganai ru mampalulur ra cukai makainggalan ri Jakius. Io ti sangulun langkaya'.

LUKAS 19:7

Ngaangai' ulun pana sabubutok boo mangalimut magilong ragitio. Konilo, “Ulun ti mapit poyo boo ra baloi ru ulun makatula.”

LUKAS 3:12

Ulun-ulun ondo' mampalulur ra cukai, minatong ri Juanis koson makiriu'. Pangkuot ilo, “Mangingila', atan musiti' baalon mai?”

LUKAS 5:29

Kopongo ragili pambaal i Liwi ra rondo' bunsag giu' ra baloi nano koson mangiantak ra ratangan ri Jisus. Masuang mampalulur ra cukai am ulun ra bokon poyo giminulung pangakan risilo.

LUKAS 5:30

Kukula' ngaulun ru Parisi am mangingila' ra Ukum ri Musa kalo naansayan ilo raginio. Konilo ra maamaya' ri Jisus, “Kua gulung kau pangakan am panginum ra ulun mampalulur ra cukai am poyo ulun ondo' karaan ra malaat?”

LUKAS 7:29

Ngaangai' ulun am mampalulur ra cukai pana nangkirongog ri Juanis. Ilo noyo ondo' giminagaya' ra susuban ri Aki Kapuuno' ondo' motopot am nakiriu' ilo ri Juanis.

LUKAS 7:34

Ratong Anak ru Ulun, mangakan am manginum Io am kamin boo, ‘Ilai' ulun no! Moroot, gagaukon, kumubayau Io ra ulun mampalulur ra cukai am ulun ondo' karaan ra malaat.’