MATIUS 5:44 - Tanou Moonsoi Timugon

⁴⁴ Kaa' raino ti balain takamin: Tagami' noyo pantula' mino am pakiasi' kano koson ra ulun ondo' mangimbolo' ramuyun,

MATIUS 5:44 ပူးပေါင်းရင်းမြစ်များ

2 RAJA'-RAJA' 6:22

Taam i Ilisa, “Pai'. Saujor-saujor pana ondo' rinakop muno ralalom ru pangayawan pana kalo pinatoi mu. Anii' ilo ra akanon am inumon, am polosoon ilo muli' ra raja' nilo.”

MAZMUR 7:4

Iou Tuhan, i Aki Kapuuno' kuno, amon ru igondo' aku mambaal ra malaat, amon ru simbaalin ku rangan kuno, kapoam potoyon ku pantula' ra kolondo' sasaban,

AMSAL 19:11

Ulun mapintar mokoorot ra sangit. Omporon ilo sabap ra mangampun ra sala ru ulun bokon no risilo.

LUKAS 23:34

Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.

JUANIS 13:34

Gitio noyo panusuban bagu ondo' raguon Kutu ramuyun; Kotogom kano ra rondo' am bokon. Koson ra Aku motogom ramuyun, akau niayuk musiti' motogom ra rondo' am bokon.

RINALATAN 16:28

Kaa' golok boo i Paulus ra mosongou, kono, “Pai' pantuwo! Akai ngaangai' lakat ayuk poyo ragiti!”

RINALATAN 7:60

Igulatur io am pompogolok poyo ra mosongou, “Tuhan, pai' polosoo' tula ti sumaboi risilo!” Paat ragili niayuk i Stipanus minatoi.

ROMA 12:14

Pakiasi' noyo ri Aki Kapuuno' koson mambarakat ra ulun ondo' mangimbolo' ramuyun. Iou, pabarakatin ilo am sala' ka ulason.

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 SAMUIL 24:17

Kopongo i Daut minindagu raginio, indagu Raja' Saul, “Motopot kia ra okou i Daut, anak kuno?” Nantangi' boo Raja' Saul.