MATIUS 5:42 - Tanou Moonsoi Timugon

⁴² Amon ru mokoondo' sangulun makitaak ra atan ayuk pana intor ramuyun, anii' io no. Amon ru mokoondo' sangulun magira' ra atan ayuk intor ramuyun, pairaa' io no.”

MATIUS 5:42 ပူးပေါင်းရင်းမြစ်များ

MAZMUR 37:21

Ulun malaat magira' am kalo pasagulion no, kaa' ulun moonsoi mapataak ra kinataau ru guang no.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 21:26

Karaan nano kasagaan nano ayuk; kaa' ulun gumagaya' ri Aki Kapuuno' makapanaak saboi malabaan.

MAMPATANOU 11:6

Patiaso' noyo sampug tampilon ra susuab ti am niayuk ra mai' no, sabap kalo makapandai takau ru ngaangai' no tumuu', kapoam ati rondo' tias tumuu' ra malabung poyo.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

MATIUS 5:41

Amon ru jajalin kou ru sangulun saujor mamarinta magibit ra kuliamos nano galur rondo' kilomito, ibito' noyo kuliamos nano suku' ruo ngakilomito.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

ROMA 12:20

Kaa' tinulisan poyo ra Buuk Kitab, “Amon ru pantula' muno maitilan, paakano' io. Amon ru pantula' muno pinaason, painumo' io. Sabap ra maa' raginio mampakauyu' kou boo riso.”

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.