MATIUS 5:41 - Tanou Moonsoi Timugon

⁴¹ Amon ru jajalin kou ru sangulun saujor mamarinta magibit ra kuliamos nano galur rondo' kilomito, ibito' noyo kuliamos nano suku' ruo ngakilomito.

MATIUS 5:41 ပူးပေါင်းရင်းမြစ်များ

MATIUS 27:32

Paat ra ilo mingkual, kauma' nilo sangulun intor ra pekan Kirini ininggalanan i Simon. Jinajalan io ti mansaan ra salip ri Jisus.

MATIUS 5:40

Amon ru uwin kou ru sangulun giu' ra makama am mompogogot ra bayang muno, pataaki' noyo riso sukub muno poyo.

MATIUS 5:42

Amon ru mokoondo' sangulun makitaak ra atan ayuk pana intor ramuyun, anii' io no. Amon ru mokoondo' sangulun magira' ra atan ayuk intor ramuyun, pairaa' io no.”

MARKUS 15:21

Tatanga' ru ralan, jajali' nilo sangulun ungkuyon nansaan ra salip ri Jisus. Ulun i bagu ayuk poyo intor ra pamagunan am masaga' sumubol ra bandar Jirusalim. (Inggalan nano i Simon. Intor io ra bandar Kirini, ama' ri Aliksandir am i Rupus.)

LUKAS 23:26

Saujor-saujor no nagibit ri Jisus koson ongoyon salipo'. Ingkual ilo ra bandar i am katuum nilo i Simon, ulun ru Kirini, ondo' sumubol ra bandar. Rokopo' io ru saujor-saujor no am jajali' mansaan ra salip i sumunu' ri Jisus.

2 KORINTUS 5:14

Sabap ra togom ri Kristus nanguasa' ramon. Makatutun akai ra amon ru kapatayan ru sangulun koson ra alig ru ngaangai' ulun, arati' ru ginio, koson moonong ulun minatoi nabaya' riso.