MATIUS 5:29 - Tanou Moonsoi Timugon

²⁹ Amon ru mato pamiris muno mangkinibit rirun makatula, kuolo' am patiri'! Moonsoi poyo ra matatakan kou ra santayaran ru inan muno intor ra ngaangai' ru inan muno patirin ra naraka.

MATIUS 5:29 ပူးပေါင်းရင်းမြစ်များ

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MATIUS 11:6

Pakaansuk no ulun ondo' mangintopot ra Aku no kon ri Juanis.”

MATIUS 16:26

Atan onong ru ulun makaalap ra ngaangai' ru tana' ti amon ru matatakan io ra painawo nano? Maaru' kolondo'! Sabap atan kia pangangalig ra painawo nano?

MATIUS 17:27

Kaa' pai' takau sinduali' guang ru ulun-ulun raginio. Ongoi pagapon ra tasik. Intor ra kabang ru papait ra kasaa' maapon muno, makatuum kou ra ruit makaukop pambayar ra cukai tano. Alapo' ruit no am bayari' cukai tano.”

MATIUS 19:12

Mokoondo' niayuk ulun ra kalo makapaguot ra io inanak koson raginio. Mokoondo' ulun kalo makapaguot ra io ti naintalian, am mokoondo' niayuk kalo maguot sabap ra io ti mangandoi ayuk ri Aki Kapuuno'. Osoi makaapu ra pangilaan ragitio moonsoi sumugut io.”

MATIUS 23:15

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Lumaup kau ra raat am mongoi ra ati ayuk pagun koson mampasauk ra sangulun ayuk pana mangintopot ra pangilaan min ti. Kaa' paat ra io masauk ra maamaya' min, io pana pasubolon ra naraka koson ramuyun sabap ra malaat io ka akau.

MATIUS 23:33

Akau ngaangai' ti ulun malaat! Sayat kau ru kukuo! Akau ukumin mongoi ra naraka am kolondo' pagiruan min

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MATIUS 5:30

Amon ru kalindu' pamiris muno mangkinibit rirun makatula, pungguo' am patiri'! Moonsoi poyo ra matatakan kou ra sakalinduan intor ra ngaangai' ru inan muno pasubolon ra naraka.”

MARKUS 8:36

Atan onong ru ulun makaalap ra ngaangai' kuliamos ru tana' ti, kaa' matatakan io ra kaayagan nano?

LUKAS 12:5

Tuluin takamin osoi kalaanin. Kalaa' kano ri Aki Kapuuno' sabap ra mopongo mamatoi, makakuasa' poyo mamatir ra ambiluo ru ulun ra naraka! Balain takamin toojo, kalaa' kano Riso!

ROMA 6:6

Mapandayan takano ra kiralan ru kaayagan lair takau pinuso noyo paat ri Kristus pinatoi giu' ra salip, koson kuasa' ru paliso takau ondo' makatula no pusoon. Maa' raginio, kalo boo uliponon takau ru tula.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

1 KORINTUS 9:27

Intor raginio, pantataanin ku kaayagan kutu suku' manguasa' aku ra ngaangai' kinibit no. Binaal ku ginio sabap ra malaa' aku ra kabalu' pana aku mangkimait ra bokon maya' ra pagigilayan ti, kaa' pupus aku piboo impayin.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).