MATIUS 5:28 - Tanou Moonsoi Timugon

²⁸ Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

MATIUS 5:28 ပူးပေါင်းရင်းမြစ်များ

KASAUKAN 34:2

Paat ri Sikgim anak ungkuyon ri Gamor no, ulun ru Giwi, raja' ru libung raginio nakakito ri Dina, ibito' no nagiru' am sawaa' no.

2 SAMUIL 11:2

Paat ra samai', kalupus Raja' Daut siminukal ra nombolong, minongoi io ugar-ugar ra taap ru istana ondo' marata'. Intor ra giu' no naimpal no sangulun ruandu' tatanga' mariu', am mantalur kaga' ruandu' no.

AYUP 31:1

Nabaya' ra ibot aku nabantu', kalo suminto ra ralaa mamulok.

AYUP 31:9

Amon ru suminto aku ra andu' ru sambalayan kuno, am mangkuliman riso liliwa' mansibuni ra talikuron ru kulobon,

MAZMUR 119:96

Natutunan ku noyo ngaangai' no mokoondo' ra balit; kaa' panusuban Muno ayuk matimpok.

KAINGKUALAN 20:17

“Pai' kalaai ra ondo' tagamin ru bokon: baloi nano, andu' nano, ulipon nano, bibiag tinambiag nano, kaladai nano kapoam atan pana soroi riso no.”

AMSAL 6:25

Pai' kau kabunduk ra kinantalur nilo, kapoam mabunduk ra kulurat ru mato nilo.

YEHEZKIEL 23:16

Pakakito ayuk i Ogoliba ra gambar no, guang malaai nano liminanja' am pangator io ra ulun sinusub mongoi risilo giu' ra Babilonia.

IMAMAT 18:20

Pai' parulug ra andu' ru ulun bokon, baal raginio mampajamol rirun.

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MATIUS 5:39

Kaa' raino ti balain takamin: Pai' noyo balasi' ulun ondo' makasala rirun. Amon ru lapison ru sangulun pingas muno ra pamiris no polosoo' io niayuk mampalapis ra pingas muno ra kait no.

ROMA 7:14

Makapandai takau noyo ra Ukum ri Musa no intor ra Ambiluo ri Aki Kapuuno', kaa' aku ti ulun ayuk ondo' inulipon ru tula.

SAGULION 22:22

“Amon ru sangulun ungkuyon narampatan paat narulug ra andu' ru ulun bokon, ilo karuruo musiti' ukumin ra matoi. Koson raginio noyo akau namuso ra kalaatan no.

2 PITRUS 2:14

Ilo ti kalo majajala' mambaal ra tula am makapaliso ilo ra pansasawaan. Ulun ondo' malawo pangintapatan, rukuon nilo palayawo'. Maringkumaa' ilo am ginio kaindalaman nilo. Kaa' ulason ilo ri Aki Kapuuno'!

1 JUANIS 2:16

Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.