MATIUS 5:24 - Tanou Moonsoi Timugon

²⁴ polosoo' mu ayuk poyo taak no ra giu' no am mongoi pansaung galing ra pabukat muno, bagu no sumaguli' mongoi pampataak ra taak muno ri Aki Kapuuno'.

MATIUS 5:24 ပူးပေါင်းရင်းမြစ်များ

AYUP 42:8

Raino ibito' tulu' ngainan sapi' gawayan am tulu' ngainan domba gawayan ri Ayup, am pataako' ngaangai' no koson ra taak simbalui koson mapabansuk ra guang Kuno, sabap ra kaatangan ru inan min. Makiasi' i Ayup ra tayar min, am iowon Ku pakiasian nano. Aku pana kalo boo manauyu' ramuyun kabalu' pana musiti' kau mangapu ra ukuman. Kalo mindagu kau ra motopot intor Raki' koson ra binaal ri Ayup.”

AMSAL 25:9

Amon ru mokoondo' pansangaran min ra pinasambalayan, pandururumis kau, am pai' min pabalaa' inopot ru sasangulun.

MATIUS 23:23

“Aibui boo ramuyun, mangingila' ra Ukum ri Musa am akau ulun ru Parisi! Maabau-abau kau! Mangani' kau niayuk ri Aki Kapuuno' mopor piatus intor ra apa' pampagamis ra akanon pana, ioginio selasih, adas manis am jintan. Kaa' ondo' maatang kaga' ra Ukum ri Musa, ioginio koson katimpakan, makaasi' am gagaya', polosoon min ayuk! Gitio noyo panusuban ru Ukum ti ondo' musiti' min suguton am susuban ra bokon pana kalo lilianin.

MATIUS 5:23

Ginio ra, amon ru masaga' kou mampataak ra taak muno ri Aki Kapuuno' ra rasawat ru altar, am makakara' kou ra mokoondo' pabukat muno masisang rirun,

MARKUS 9:50

Usi' moonsoi, kaa' amon ru mapalo usi' no, ati koson kaasinon saguli'? Tilu kano ra usi', ioginio mobobonsoi kau ra rondo' am bokon.”

1 KORINTUS 11:28

Ginio ra moonong ulun musiti' galing mangimumui ra baal ru guang nano galama', bagu no makaakan ra ruti' am makainum intor ra sangkir no.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.