MATIUS 5:19 - Tanou Moonsoi Timugon

¹⁹ Ginio ra osoi ayuk pana manggal ra Ukum ri Musa kabalu' pana koborok ayuk am koson niayuk raginio mangila' io ra ulun ra bokon, ulun raginio karaan kalo maatang ra gino ngai' ru ulun ri Aki Kapuuno'. Kaa' osoi ayuk pana gumagaya' ra Ukum ri Musa am mangila' ra ulun ra bokon koson raginio, ulun raginio karaan maatang ra gino ngai' ru ulun ri Aki Kapuuno'.

MATIUS 5:19 ပူးပေါင်းရင်းမြစ်များ

MAZMUR 119:128

Sabap raginio maya' aku ra nansalinut panusuban Muno; masisang aku ra baal ra kalo matanda'.

MAZMUR 119:6

Amon guangon ku ngaangai' panusuban Muno, kalo boo tauyuon aku.

DANIL 12:3

Tingganai-tingganai ondo' mapintar suminda koson ra limbowon ondo' mapaang, am ilo ondo' mangila' ra ulun mambaal ra moonsoi am matimpok suminda koson ra butitin ra sabuoi-buoi no.”

MATIUS 11:11

Karaa' min! I Juanis Mampariu' no maatang toojo intor ra ngaangai' ulun giti ra tana' ti. Kaa' ulun ondo' kalo maatang ra gino ngai' ru ulun ri Aki Kapuuno', maatang poyo intor ri Juanis.

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 20:26

Kaa' akau pai' ru koson raginio. Amon ru sangulun intor ramuyun masaga' sumauk ra maatang, moonsoi masauk io ra ulipon min.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

LUKAS 1:15

Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

LUKAS 11:42

Mumpara' boo usung mino ulun ru Parisi! Kabalu' pana taakin min ri Aki Kapuuno' mopor piatus ra selasih, inggu am ngaangai' apa' pampagamis ra akanon ra bokon, kaa' inimpayan min katimpakan am togom ri Aki Kapuuno'. Baalo' min karuo-ruo am pai' impayi' bokon no.

LUKAS 9:48

Indagu Io boo ra maamaya' Nano, “Ulun ondo' mangapu ra lalaing ti sabap ra Aku, arati' no mangapu io niayuk Raki'. Ulun ondo' mangapu Raki', mangapu niayuk Riso ondo' nanusub Raki' i. Sabap ra io ondo' kalo maatang ra pamaguangan min ngai', sotopot no io no ondo' maatang kaga'.”

RINALATAN 1:1

I Tiopilus pabukat kuno, ralalom kitab kasaa' kuli, nanulis aku noyo ra ngaangai' ondo' binaal am nangilaan ri Jisus, intor ra Io nanalimpuun ra kandoi Nali,

ROMA 3:8

Kua guat pai' takau raguo', “Moonsoi mambaal takau ra malaat, bagu atan ondo' moonsoi no masauk”? Mokoondo' niayuk kukula' ngaulun boo magasab am manguu' raki', konilo, “Mindagu i Paulus koson raginio!” Ukumin ilo ri Aki Kapuuno' maya' ra binaal nilai no.

ROMA 6:1

Amon ru ginio poyo, atan boo paraguon takau? Rumayus takau kia pambaal ra tula, maa' raginio gumaai poyo togom ri Aki Kapuuno' no ritakau?

ROMA 6:15

Ati kulaan raino? Makapambaal takau kia ra tula, sabap ra kaayagan takau inimpuun ra asi' ri Aki Kapuuno' am kalo boo inimpuun ra Ukum ri Musa? Maaru' kalo!

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 27:26

“ ‘Kaulas noyo ulun ondo' kalo gumagaya' ra ukum am pangilaan ri Aki Kapuuno'.’ “Ngaangai' ulun tumaam ra, ‘Amin!’ ”

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

TITUS 3:8

Motopot ragu raginii. Masaga' aku ra mampakaatang kou toojo ra kaintutunan raginio, maa' raginio ilo ondo' mangintopot ri Aki Kapuuno' makapambaal ra kandoi moonsoi. Ngaangai' ti moonsoi toojo am mokoonong ra ngaangai' ulun.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.

1 JUANIS 3:4

Osoi ayuk mambaal ra tula, io no kalo sumugut ra susuban ri Aki Kapuuno'. Tula ti kalo sumugut ra susuban ri Aki Kapuuno'.

PINAINTALANG 2:20

Kaa' mokoondo' kalo kaansayan Kuno ramuyun: Mompoloso kau ri Ijabil, ruandu' no ondo' migiangku ra nabi. Mansail ra pangilaan nano mampakalayau io ra ulipon-ulipon Kuno koson mansasawa' am mangakan ra akanon ondo' pinataak ra sinungkalalaing.

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.