MATIUS 5:18 - Tanou Moonsoi Timugon

¹⁸ Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

MATIUS 5:18 ပူးပေါင်းရင်းမြစ်များ

MAZMUR 102:26

galing i tana' ti binangun Mu, limbowon pana kandoi ru kalindu' Muno galama'.

MAZMUR 111:8

Panusuban Nano kalo makulau; pataakon No parinta Nano ra sotopot-topot am matimpok.

MAZMUR 119:152

Intor ra galing i mapandayan ku pangilaan Muno, ondo' patilayunon Mu ra sabuoi-buoi no.

JISAYA 40:8

Sakot masauk kumolop am bunga' pana lumonot, kaa' ragu ri Aki kapuuno' takau mantilayun ra sabuoi-buoi no.”

JISAYA 44:26

Kaa' bulintok ra ulipon Kuno manala', paat ra aku manusub ra ulipon Kuno mapabala' ra inatangan Kuno, baalon Ku panalaan am pangatangan no. Mindagu Aku ra Jirusalim no ayanin saguli' am bandar-bandar ru Jiuda baalon saguli', Bandar-bandar no tumirong intor ra napuutan.

JISAYA 51:6

Tingaano' noyo limbowon am indukui' noyo tana'; limbowon lumiot koson ra lisun am tana' maapu' koson ra bayang lairon, ngaangai' namagun no matoi koson ra namuk. Kaa' pamayagan ra pinataak Kuno mantilayun ra sabuoi-buoi no, am namanangan Kuno marayus-rayus.

MATIUS 10:15

Karaa' min! Paat ra Orou Pupus, i Aki Kapuuno' makaasi' ra ulun ru Sodom am Gomora, ka ulun ru pekan raginio!”

MATIUS 10:23

Paat ra akau imboloon ra rondo' pekan, pagiru' no ra pekan ra bokon. Mindagu Aku ramuyun: Ra kalo poyo masuku' min ngaangai' pekan ru Israil, Anak ru Ulun rumatong noyo.

MATIUS 10:42

Balain takamin: Osoi ayuk mampainum ra santiib timug ayuk pana ra sangulun ondo' kalo umparaan ru ulun sabap ra maamaya' Ku io, totopot niayuk makaalap ulun no ra ampos nano.”

MATIUS 11:11

Karaa' min! I Juanis Mampariu' no maatang toojo intor ra ngaangai' ulun giti ra tana' ti. Kaa' ulun ondo' kalo maatang ra gino ngai' ru ulun ri Aki Kapuuno', maatang poyo intor ri Juanis.

MATIUS 13:17

Karaa' min gitio! Masuang nabi am ulun motopot ra galing i masaga' toojo milong ra atan ondo' makito min ra raino ti, kaa' kalo nakarampot ilo. Masaga' ilo mangkirongog ra atan ondo' morongog min kaa' kalo nokorongog ilo.”

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MATIUS 17:20

Taam i Jisus, “Sabap ra kalo mangintopot kau toojo. Karaa' min! Amon ru makapangintapatan kau koson ra gayo ru sangunor puun mustard, makaindagu kau ra bulur ti, ‘Banding no intor ragiti ongoi ra giu' no!’ am maaru' manding io! Makapambaal kau ra atan ayuk! [

MATIUS 18:18

“Balain takamin: Atan ayuk sawayon min ra tana' ti, sawayon niayuk ra suruga'. Atan ayuk iowon min ra tana' ti, iowon niayuk ra suruga'.

MATIUS 18:3

Indagu boo i Jisus, “Karaa' min! Amon ru kalo kumulau am sumauk kau koson ra lalaing ti, kalo masauk kau ra ulun ri Aki Kapuuno'.

MATIUS 19:23

I Jisus pana indagu boo ra maamaya'-maamaya' Nano, “Balain takamin: Mapagon toojo sangulun langkaya' masauk ra ulun ri Aki Kapuuno'.”

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 21:21

“Karaa' min,” taam ri Jisus, “Amon ru mangintopot kau am kalo pagantangan guang, makabaal kau ra atan ondo' binaal Kuno ra puun ru ara ni. Sala' ka ginio ayuk, kaa' maindaguan min bulur ti, ‘Kakat no am patir no giu' ra raat!’ Baal raginio pana masauk.

MATIUS 21:31

Ilai', intor ra karuo anak ti, ati kia nangimaya' ra panusuban ru ama' ni?” “Katuaan ni,” taam ru tingganai imam Jaudi am tingganai ru ulun ru Jaudi no. Indagu i Jisus risilo, “Pangintopot no! Mampalulur ra cukai am ruandu' mantalan ra inan makasigulu masauk ra ulun ri Aki Kapuuno' intor ramuyun.

MATIUS 23:36

Balain takamin: Ukum ru ngaangai' raginio paratuon ra ulun ra raino ti!”

MATIUS 24:2

“Iou,” ragu ri Jisus, “Ilai' noyo ngaangai' ti! Balain takamin: Kolondo' rondo' batu pana intor ragitio soroi ra intok nano; ngaangai' ti lunsayon.”

MATIUS 24:47

Balain takamin: Mampalansan toojo tuan ti ra ngaangai' rapu' nano ra ulipon ragitio.

MATIUS 25:12

Kaa' taam ungkuyon uatin ti, ‘Kalo nakaulig aku ramuyun!’ ”

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 25:45

Tumaam raja' ti, ‘Balain takamin: Paat ra akau kalo nangindangan ra sangulun kalo maatang ti, ginio nogondo' ra akau marara' nangindangan Raki'.’

MATIUS 5:26

Balain takamin: Aputon kau ra lamin pangaputan no suku' mabayaran min ngaangai' sagit mini.”

MATIUS 6:16

“Paat ra akau mampali, pai' no parikarus koson ra ulun-ulun maabau-abau. Kalo manginjagup ilo koson makiilong ra ulun ra ilo ti mampali. Karaa' min, ilo ti nakaalap noyo ra balos.

MATIUS 6:2

“Paat ra akau manaak, pai' min sisiraa' baal ragitio koson ondo' baalon ru ulun maabau-abau giu' ra baloi sambayangan am niayuk giu' ra lilisangon ru ralan, sabap ra makiompor ilo ra ulun. Karaa' min, ilo ti nakaalap noyo ra ampos nilono.

MATIUS 8:10

Nangimuag i Jisus nakaining ra ragu raginio, am indagu Io boo ra ulun masuang ondo' sasunu'-sunu' Riso i, “Kalo igondo' Aku pakakito ra pangintapatan maayo koson ragitio, iou pana intor ra bansa' ru Israil.

MARKUS 10:15

Balain takamin! Sotopot no Osoi kalo mangapu ra pamarintaan ri Aki Kapuuno' koson ra sangulun lalaing, ulun raginio kalo masauk ra ulun ri Aki Kapuuno'.”

MARKUS 10:29

Taam i Jisus, “Balain takamin ra sotopot no, osoi ondo' nangiruan ra pamagunan nano kapoam pinongkotob nano ra ungkuyon kapoam ruandu', ina', ama' kapoam lalaing-lalaing nano, kapoam lanau am umo nano sabap ra maya' io Raki' am sabap ra mampasaboi ra Tanou Moonsoi no;

MARKUS 11:23

Balain takamin: Amon ru mindagu kau ra bulur no, ‘Kakayang no am patir no giu' ra raat!’ Ginio maaru' masauk amon ru kalo maimamang kau kaa' mangintopot ra ondo' raguon mino topot-topot masauk.

MARKUS 12:43

Pampiau i Jisus ra maamaya' Nano am indagu boo risilo, “Balain takamin: Ondo' pinasuang ru napuor musikin ni mauli' toojo ka pasuangon ru ngaangai' ulun bokon no.

MARKUS 13:30

Balain takamin! Ngaangai' baal raginio masauk ra kalo poyo matoi ngaangai' ulun ondo' maayag ra raino ti.

MARKUS 14:18

Paat ra ilo nagagakan indagu i Jisus, “Balain takamin: pataakon Aku ru sangulun intor ramuyun ra pantula' – sangulun ondo' raino ti mangakan gumulung Raki'.”

MARKUS 14:25

Balain takamin: Sotopot no kalo boo manginum Aku ra anggur saboi Aku manginum saguli' ra anggur baguon giu' ra Tana' Bagu ri Aki Kapuuno'.”

MARKUS 14:30

Kon ri Jisus, “Balain tokou: Rondom ra raiti' niayuk, ra kalo poyo minduo paningkuluuk manuk tandaa' no, intalu kou no pagali' ra okou kalo nakaulig Raki'.”

MARKUS 14:9

Balain takamin: Ati ayuk papatanawan ra Tanou Moonsoi ra tana' ti, ondo' binaal ru ruandu' ti patunungon niayuk koson mangkara' riso.”

MARKUS 3:28

Balain takamin, sotopot no ngaangai' tula am asab rinagu ru ulun ampunon.

MARKUS 6:11

Kaa' amon ru makasuku' kau ra rondo' bandar am mokoondo' kalo mapaumpos am kalo masaga' mangkirongog ramuyun, iruani' bandar raginio am kabuli' min noyo kaau ru kasut mino koson pangkaraan risilo.”

MARKUS 8:12

Pampalaa i Jisus am indagu, “Kua pakitaak kau ra kaimuagan? Mindagu Aku ramuyun, sotopot no akau ti kalo pakitonon Ku ra kaimuagan.”

MARKUS 9:1

Indagu poyo Io risilo, “Balain takamin, sotopot no mokoondo' poyo ulun ragiti kalo matoi saboi ra makakito ilo ri Aki Kapuuno' mamarinta am makakuasa'.”

MARKUS 9:41

Balain takamin! Osoi ayuk mapainum ramuyun ra akau maamaya' Raki', ulun no maaru' makaalap ra ampos nano.”

LUKAS 11:51

Io ginio intor ra namatayan ri Abil saboi ra namatayan ri Jakaria. Pinatoi io ra lolot ru altar am Intok Matulai. Balain takamin, ulun ra raiti' ukumin sabap ra namatayan ra ngaangai' nabi no.

LUKAS 12:37

Mumpara' boo bonsoi ru ulipon-ulipon ondo' nangkuliman am nakatampos paat ra tuan nilai matong! Balain takamin, rumalin boo tuan no, susubon no ulipon-ulipon nano manturung am sulungin no ilo.

LUKAS 13:35

Sotopot no iruanin boo ri Aki Kapuuno' Baloi Tuhan muno. Kalo boo makakito kou Raki' saboi mindagu kou, ‘Nabarakat noyo Io ondo' matong ralalom inggalan ru Tuhan.’ ”

LUKAS 16:17

Kaa' maluoi poyo toojo limbowon am tana' ti mapuso intor ra rondo' urup pana ralalom Ukum ri Musa luluon.

LUKAS 18:17

Karaa' min gitio! Osoi kalo mangapu ra pamarintaan ri Aki Kapuuno' koson ra sangulun lalaing, ulun no kalo masauk ra ulun ri Aki Kapuuno'.”

LUKAS 18:29

Indagu i Jisus, “Balain takamin: Osoi ayuk mangiruan ra baloi, andu', pabukat, matuo, kapoam anak nano sabap ra mangandoi ayuk ri Aki Kapuuno',

LUKAS 23:43

Indagu i Jisus riso, “Balain tokou: Sotopot no, orou raiti' niayuk mababaya' kou Raki' giu' ra Pirdaus.”

LUKAS 4:24

Tungguli' poyo ri Jisus ragu Nali, “Karaa' min, kolondo' sangulun nabi pana urumaton kapoam apuon ra intok nano galama'.

JUANIS 1:51

Indagu poyo i Jisus risilo, “Balain takamin toojo, makito min suruga' pabulowo am malaikat-malaikat ri Aki Kapuuno' magaloi am tumuun mongoi ra Anak ru Ulun.”

JUANIS 10:1

“Balain takamin toojo: Ulun ondo' sumubol ra kandang ru domba kalo maya' ra kulobon, kaa' mangkiwa' ayuk ra timbok, io no sangulun mantatakou am mampapagaau.

JUANIS 10:7

Ginio ra indagu poyo i Jisus, “Balain takamin toojo: Aku noyo kulobon ru domba.

JUANIS 12:24

Balain takamin toojo: Amon ru sangunor gandum kalo tiason ra tana', kalo matoi io am sangunor io ayuk. Kaa' amon ru tiason am matoi io, manangkawa' io ra masuang.

JUANIS 13:16

Balain takamin toojo: Sangulun ulipon kalo maatang poyo intor ra tuan nano. Mogondo' niayuk ra sangulun sinusub kalo maatang poyo intor ra nanusub riso.

JUANIS 13:38

Taam i Jisus riso, “Totopot kia mampataak kou ra painawo muno koson Aku? Balain tokou toojo: Kalo poyo maningkuluuk manuk tandaa' no, intalu kono magali' ra makaulig kou Raki'!”

JUANIS 14:12

Ondo' raguon Kutu motopot: Osoi ayuk mangintopot Raki', mambaal ra kandoi mogondo' ra binaal Kuli. Mulu' poyo baalon no ka Aku, sabap ra sumaguli' Aku ri Ama'.

JUANIS 16:20

Balain takamin toojo: Mantangi' am manulaboi kau, kaa' ulun ru tana' ti maansukan. Mangiluk guang mino, kaa' guang min ra mangiluk no makulau boo ra maansukan.

JUANIS 16:23

Orou raginio, kalo boo mangkuot kau Raki' ra atan ayuk pana. Balain takamin toojo: Aniin kau ri Ama' ra atan ayuk kitaakon min ralalom ru inggalan Kuno.

JUANIS 21:18

Balain tokou toojo: Buoi okou mamulok, okou galama' tumampos am mugar ra ati ayuk kasagaan muno. Kaa' paat ra okou matutuo, patutuyon mu kalindu' muno am bangkilon kou ru ulun bokon, am ibiton kou ra intok kararaan mu.”

JUANIS 3:11

Balain tokou toojo: Akai ti mampaintutun ramuyun ra atan napandayan am nakito mai, kaa' marara' kau mangapu.

JUANIS 3:3

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon io saguli'.”

JUANIS 3:5

Taam i Jisus, “Balain tokou toojo: Kolondo' sangulun pana masauk ra ulun ri Aki Kapuuno' amon ru kalo anakon ulun no intor ra timug am Ambiluo ri Aki Kapuuno'.

JUANIS 5:19

Taam i Jisus risilo, “Balain takamin toojo: Kalo makapambaal Anak ra atan ayuk pana intor ra kuasa' Nano galama'. Atan ondo' makito Nano baalon ru Ama', ginio ayuk baalon Nano. Sabap ra ondo' baalon ru Ama', nogondo' niayuk ra baalon ru Anak.

JUANIS 6:26

Taam i Jisus, “Balain takamin toojo: Maguyum kau Raki', sabap ra pai' ru nakarati' kau ra kaimuagan binaal Kuni, kaa' nakaakan kau noyo ra ruti' i saboi naasug.

JUANIS 6:32

Indagu i Jisus risilo, “Balain takamin toojo: Sala' ka i Musa ondo' nangani' ramuyun ra ruti' intor ra suruga'; kaa' i Ama' Kuno ondo' mangani' ramuyun ra ruti' motopot intor ra suruga'.

JUANIS 6:47

Balain takamin toojo: Osoi ayuk mangintopot, mokoowot io ra kaayagan motopot am mantilayun.

JUANIS 6:53

Indagu i Jisus risilo, “Balain takamin toojo: Amon ru kalo mangakan kau ra inan ru Anak ru Ulun am manginum ra raraa' Nano, kalo totopot maayag kau.

JUANIS 8:34

Taam i Jisus, “Balain takamin toojo: Moonong ulun ondo' mambaal ra tula, uliponon io ru tula.

JUANIS 8:51

Balain takamin toojo: Osoi ayuk gumagaya' ra pangilaan Kuno, ulun no kalo makaili' ra kapatayan.”

JUANIS 8:58

Kon ri Jisus, “Balain takamin toojo: Ra kalo poyo inanak i Abragam, ‘Soroi Aku no’.”

1 PITRUS 1:25

kaa' bala' ru Tuhan kalo makulau am mantilayun.” Bala' ragitio noyo Tanou Moonsoi ondo' pinasaboi mai ramuyun.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.