MATIUS 4:5 - Tanou Moonsoi Timugon

⁵ Tingganai ru riwato no pana nagibit boo ri Jisus giu' ra bandar Jirusalim, suku' ra tampak ru Baloi Tuhan,

MATIUS 4:5 ပူးပေါင်းရင်းမြစ်များ

2 TUNUNG RU BANSA' ISRAIL 3:4

Lamin ra saang ra pila' no mogondo' ra pila' ru Baloi ru Tuhan, iono 9 ngamito, am sawat no 54 ngamito. Tampilon ra ralalom ru lamin no inangkupan ra mas kopoyo.

NIGIMIA 11:1

Tingganai-tingganai ondo' namagun giu' ra Jirusalim, am mamagun ondo' musiti' mangundi' koson mampili' ra sambaloi intor ra moonong mopor sasambaloi. Ilo ondo' mapili' musiti' mayan giu' ra Jirusalim bandar ondo' mapasau no, liliwa' ondo' kalo mapili' mayan giu' ra bandar-bandar am ngaangai' pekan ra bokon.

NIGIMIA 11:18

Ngaangai' ru suang nilo 248 ngaulun ru Liwi ondo' mayan giu' ra Jirusalim, bandar mapasau no.

JISAYA 48:2

Kaa' mangiou am maansukan kau ra akau namagun ra bandar ondo' mapasau, am akau sumingkayut ayuk ri Aki Kapuuno' ru Israil, ondo' sabiton ra Tuhan Ondo' Maayo Kaga' Kuasa'.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

MATIUS 27:53

Ingkual ilo intor ra lobong-lobong am kalupus i Jisus binayag saguli', ongoi ilo ra Jirusalim am giu' no masuang ulun nakakito risilo.

LUKAS 4:9

Ibito' poyo i Jisus ru Tingganai ru riwato no giu' ra Jirusalim am patampako' no Io ra rasawat ru taap ru Baloi Tuhan am indagu, “Amon ru Anak kou ri Aki Kapuuno', kinam ratu' intor ragiti.

JUANIS 19:11

Taam i Jisus, “Kolondo' kuasa' muno Raki' amon ru kalo aniin kou ri Aki Kapuuno'. Ginio boo ra ulun nampataak Raki' i rirun, maayo poyo tula nano ka okou.”

PINAINTALANG 11:2

Kaa' pai' tukuo' liliut ru Baloi Tuhan no, sabap ra tayar raginio tinaakan noyo ra ulun-ulun sala' ka Jaudi. Kikinjangin nilo Bandar Mapasau no buoi apat ngoopor am ruo ngambulan.