MATIUS 4:4 - Tanou Moonsoi Timugon

⁴ Kaa' taam i Jisus, “Mokoondo' tinulisan ra Buuk Kitab, ‘Ulun kalo maayag intor ra ruti' ayuk, kaa' mangkirongog ra moonong ragu ri Aki Kapuuno'!’ ”

MATIUS 4:4 ပူးပေါင်းရင်းမြစ်များ

KAINGKUALAN 16:15

Pakakito ulun ru Israil raginio, kalo makapandai ilo atan ginio. Pasakuot ilo ra rondo' am bokon, “Atan kia ginio?” Indagu i Musa risilo, “Gitio noyo akanon pinataak ru Tuhan ramuyun ra akanon.

KAINGKUALAN 16:35

Nangakan ulun ru Israil ra manna buoi apat ngoopor ngambilor polos ilo nakasaboi ra tana' ru Kanaan, intok pamagunan nilo. (

KAINGKUALAN 16:8

Kon boo ri Musa, “Mangani' Tuhan ramuyun ra kual koson akanon tampilon ra mai' ti, am kula' suang ruti' kasagaan mino tampilon ra susuab ti, sabap ra naining No noyo mapara' boo masalok kau mambutok Riso. Sotopot no, butok mino sala' ka ra akai, kaa' ra Tuhan.”

KAINGKUALAN 23:15

Ralalom ru bulan Abib, baalo' noyo Pangiantakan Ruti' Kalo Linatakan ra Ragi sumugut ra ralan ondo' nanusuban Kuli, sabap ra ralalom ru bulan raginio akau nangiruan ra Misir. Pai' pangakan ra ruti' ondo' linatakan ra ragi buoi katuluan ru pangiantakan no. Moonong ra akau matong sumambayang Raki', musiti' kau magibit ra taak.

MATIUS 15:11

Sala' ka atan ondo' sumubol ra ralalom kabang ru sasangulun no mampajamol riso, kaa' atan ondo' mingkual intor ra kabang, ginio noyo mampajamol riso.”

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

MATIUS 4:7

Taam i Jisus, “Kaa' mokoondo' poyo tinulisan ra Buuk Kitab, ‘Pai' pangkinam ra Tuhan, i Aki Kapuuno' muno!’ ”

MARKUS 7:20

Tungguli' poyo ri Jisus ragu Nano, “Atan ondo' mingkual intor ra guang ru sasangulun, ginio noyo mampajamol riso.

LUKAS 4:12

Taam i Jisus, “Tinulisan noyo ralalom Buuk Kitab, ‘Pai' pangkinam ra Tuhan, i Aki Kapuuno' muno.’ ”

LUKAS 4:4

Taam i Jisus, “Tinulisan noyo ralalom Buuk Kitab, ‘Sala' ka ruti' ayuk mampakaayag ra ulun.’ ”

LUKAS 4:8

Taam i Jisus, “Tinulisan noyo ralalom Buuk Kitab, ‘I Aki Kapuuno' ayuk sambaan muno am mangandoi ayuk Riso!’ ”

JUANIS 15:26

Porotongon Ku ramuyun Mangingindangan intor ri Ama'. Io no Ambiluo ondo' mambala' ra katapatan ri Aki Kapuuno' am Io niayuk mampaintutun Raki' ramuyun.

JUANIS 6:63

Ambiluo ri Aki Kapuuno' noyo mangani' ra ulun ra kaayagan, kuasa' ru ulun kalo makapambaal raginio. Ragu Kutu intor ra Ambiluo ri Aki Kapuuno' ondo' mampakaayag ramuyun.

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

IPISUS 6:17

Apuo' min noyo pamayagan ti koson ra tupi' basi' am niayuk bala' ri Aki Kapuuno' koson ra ilang ondo' pinongo kalalair ru Ambiluo ri Aki Kapuuno'.

SAGULION 8:3

Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.