MATIUS 4:25 - Tanou Moonsoi Timugon

²⁵ Masuang toojo ulun minaya' Riso, ilo intor ra libung ru Galilia, libung ru Mopor Pekan, bandar Jirusalim, Judia am poyo intor ra libung ru sandaup Jordan.

MATIUS 4:25 ပူးပေါင်းရင်းမြစ်များ

MATIUS 12:15

Paat ri Jisus nakatutun ra panguyatan mamatoi Riso, ugar Io intor ra intok raginio; am masuang ulun ondo' minaya' Riso. Namabas Io ra ngaangai' ulun ondo' marualan,

MATIUS 19:2

Masuang ulun minaya' Riso am babaso' No ulun-ulun mangarualan ra giu' i.

MATIUS 4:15

“Libung ru Jibulon am Naptali, sandaup ru Sungoi Jordan pansailan mongoi ra raat, Galilia, libung ru ulun sala' ka Jaudi.

MATIUS 5:1

Ilai' ri Jisus ulun masuang no, pagaloi Io boo ra bulur am panturung. Maamaya'-maamaya' Nano timinimung liput Riso,

MATIUS 8:1

Timinuun i Jisus intor ra bulur no am masuang ulun minaya' Riso.

MARKUS 5:20

Ugar boo ulun ra binabas i, am tumalimpuun mantunung ra titikop libung Mopor Pekan ra ngaangai' binaal ri Jisus ra bayag nano, am mangimuag boo ulun ra tinunungan nano.

MARKUS 6:2

Paat ra orou Sabat tumalimpuun Io mangila' giu' ra baloi sambayangan. Ulun masuang i nangimuag paat ra nokorongog Riso am indagu ilo, “Ati naalapan Nano ra ngaangai' ragitio? Kapintaran koson ra atan kia ondo' Riso ti? Ati kulaan No mapakito ra kaimuagan?

MARKUS 7:31

Kopongo ragili iruani' ri Jisus libung ru Tirus am pansail Io ra bandar Sidon am libung ru Mopor Pekan mongoi ra Tasik Galilia.

LUKAS 6:17

Paat ra mambusul i Jisus am rasul Nano intor ra bulur no am uog ilo ra rondo' limayak. Giu' i mokoondo' poyo masuang maamaya' Nano ra bokon. Masuang poyo ulun nakaratong intor ra titikop Judia, Jirusalim am bandar Tirus am Sidon, ondo' karuruo ti mamaar ra raat.

LUKAS 6:19

Gogoton ru ngaangai' ulun gumuut ri Jisus sabap ra mokoondo' kuasa' mingkual intor Riso am mamabas risilo ngaangai'.