MATIUS 4:24 - Tanou Moonsoi Timugon

²⁴ Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

MATIUS 4:24 ပူးပေါင်းရင်းမြစ်များ

2 SAMUIL 8:6

Kopongo raginio patirongo' ru Raja' Daut pangkiman ru saujor ralalom ru wilayah nilo, am kinuasa' ilo am mambayar riso ra cukai. Nangani' Tuhan ra Raja' Daut ra kamanangan ra ati ayuk intok nano mangayou.

1 RAJA'-RAJA' 10:1

Raja' ruandu' ru pagun Syiba nokorongog ra nauligan kaga' Raja' Salomo. Ratong io boo ra Jirusalim koson mangkinam ra Raja' Salomo ra pangkuatan-pangkuatan ondo' malipong.

1 RAJA'-RAJA' 4:31

Io no mapintar kaga': Mapintar poyo intor ri Itan ulun ru Ijragi am i Giman, i Kalkol am i Darda, anak-anak ri Magol. Inggalan ru Raja' Salomo nauligan kaga' giu' ra ngaangai' pagun ra paginggaar.

1 TUNUNG RU BANSA' ISRAIL 14:17

Ginio ra inggalan ru Raja' Daut nauligan kaga' giu' ra ati-ati intok, am Tuhan nangkinibit ra ngaangai' bansa' malaa' ra Raja' Daut.

1 TUNUNG RU BANSA' ISRAIL 29:2

Kuliamos-kuliamos koson ra baloi no am parabot nano tinampos ku noyo ra ngaangai' ru nasaanan kuno. Inula' ku noyo mas, pirok, gangsa', basi', tataun, batu-batu mologo, am batu-batu ru intan, batu nansalinut batik koson ra pamunga', am batu marmar ondo' masuang kaga'.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

MATIUS 12:22

Kukula' ngaulun nagibit boo ra sangulun bolou am bobou sabap ra sinubol ru riwato no ri Jisus. Binabas ri Jisus ulun no suku' io makaindagu am makakito.

MATIUS 14:1

Paat ragili niayuk raja' Irodis, gabenor ru libung Galilia, nokorongog ra tanou ri Jisus.

MATIUS 15:22

Mokoondo' sangulun ruandu' intor ra bansa' ru Kanaan minayan ra intok raginio. Minatong ruandu' no ri Jisus am indagu, “Tuan, Anak ru raja' Daut, pakaasi' no raki'! Anak ruandu' kuno sinubol ru riwato am makalalaa' baal nano.”

MATIUS 17:15

Kono, “Tuan, pakaasi' no ra lalaing kuno! Io ti masalok mamumukat. Paat ra maruol no matong masalok io mokororop ra timug am makasubol ra apui.

MATIUS 17:18

Susubo' ri Jisus riwato no mingkual intor ra lalaing no am riwato no pana miningkual. Paat ragili niayuk nababas boo lalaing i.

MATIUS 4:23

Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.

MATIUS 8:28

Pakasuku' i Jisus ra sandaup ru tasik, ioginio libung ru Gadara, ruo ngaulun ondo' sinubol ru riwato timinuum Riso. Ilo ruo ti miningkual intor ra intok ru pampalabangan. Malaat ilo kaga' saboi kolondo' ulun makakau' mansail ra intok raginio.

MATIUS 8:33

Ulun-ulun magagalung ra bauwi no nasimbul uli' ra pekan am pantunung ilo ngaangai' baal raginio, am atan ondo' nasauk ra ruo ngaulun ondo' sinubol ru riwato i.

MATIUS 8:6

“Tuan, sangulun ulipon kuno marualan ra malanjag. Soroi io ra baloi no am kalo makasukal.”

MATIUS 9:26

Tanou ragitio nakasuku' ra ati-ati libung ru pagun raginio.

MATIUS 9:35

Minongoi i Jisus ra ngaangai' pekan am pamagunan. Nangila' Io giu' ra baloi sambayangan am nampatanou ra Tanou Moonsoi ra i Aki Kapuuno' mamarinta. Namabas Io ra ulun-ulun intor ra nansalinut maruol nilono.

MARKUS 1:28

Tanou ri Jisus ti matasik nakatabual ra ngaangai' libung ru Galilia.

MARKUS 1:32

Io palunggai', nokotolop noyo mato ru orou, ngaangai' ulun marualan am sinubol ru riwato pinauma' nilo ri Jisus.

MARKUS 2:3

mokoondo' apat ngaulun matong namandas ra ulun kalo makalulu'.

MARKUS 2:4

Kaa' kalo makainggar ilo Riso sabap ra masuang kaga' ulun no. Sukiapo' nilo boo taap ru baloi tuma' ri Jisus no am patuuno' nilo namandasan ra ulun no.

MARKUS 2:9

Ati poyo matasu', mindagu ra ulun kalo makalulu' ti, ‘Tula muno inampun noyo,’ kapoam mindagu riso, ‘Tirong no, kayango' noyo tilam muno am ugar’?

LUKAS 2:2

Panguntaban kasaa' ti pinaugar paat ri Kirinius nasauk ra gabenor ru pagun Siria.

LUKAS 4:14

Kopongo ragili saguli' i Jisus ra libung Galilia am kinuasa' Io ru Ambiluo ri Aki Kapuuno' no. Tanou intor Riso nakatabual ra ati ayuk intok ra libung raginio.

LUKAS 4:38

Iruani' ri Jisus baloi sambayangan no am ongoi ra baloi ri Simon. Iwan ri Simon ra ruandu' no boobotoi mansalom am pababasin io ri Jisus ru ulun-ulun no.

LUKAS 5:15

Kaa' nakatabual poyo tanou intor ri Jisus ti saboi masuang ulun minatong mangkirongog am makibabas Riso.

LUKAS 5:24

Kaa' raino aniin takamin ra tatandu' ra Anak ru Ulun makakuasa' ra tana' ti mangampun ra tula.” Indagu boo i Jisus ra ulun kalo makalulu' no, “Sukal no, kayango' noyo bandasan muno am uli' no!”

LUKAS 7:17

Tanou ri Jisus no nakatabual ra titikop ru Judia am poyo ra libung ondo' nakainggaar no.

JUANIS 10:21

Kaa' bokon i poyo minindagu, “Sala', ulun sinubol ru riwato kalo makaindagu koson raginio. Kalo noyo lair mamabas riwato ra ulun bolou.”

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 15:23

Mokoondo' surat pinaaya' nilai ondo' suang nali koson raginio; “Pabukat kau ngaangai' ondo' sala' ka Jaudi, ondo' mayan ra Antiokia, Siria am Kilikia. Kaansayan intor ramon, rasul-rasul, tingganai am ngaangai' pasimpungan ulun Kristian ragiti.

RINALATAN 15:41

Ongoi ilo ra Siria am Kilikia koson mampaikang ra pasimpungan ulun Kristian ra giu' no.

RINALATAN 28:9

Ginio boo ngaangai' ulun ondo' marualan giu' ra pulu' i minongoi uma' ri Paulus am ilo ti pana binabas niayuk.

RINALATAN 8:7

Sabap ra masuang riwato ondo' siminubol ra ulun miningkual intor risilo liliwa' gogolok am masuang niayuk ulun kalo makalulu' am kimpo' nababas.

JOSUA 6:27

Tuhan mabaya' ri Josua am masauk io ra mauligan kaga' ra titikop ru pagun no.