MATIUS 4:23 - Tanou Moonsoi Timugon

²³ Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.

MATIUS 4:23 ပူးပေါင်းရင်းမြစ်များ

MAZMUR 103:3

Inampun No ngaangai' tula kuno, am namabas ra nansalinut maruol kuno;

MAZMUR 74:8

Gumogot ilo mamuso toojo ramon; ngaangai' intok sambayangan ra pagun ti sinuruan nilo.

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MATIUS 12:9

Iruani' ri Jisus intok raginio, am ongoi boo ra rondo' baloi sambayangan.

MATIUS 13:19

Ulun ondo' mangkirongog ra tanou ati kulaan i Aki Kapuuno' mamarinta, kaa' kalo makarati', ulun koson ragitio noyo koson ra sampug ondo' naratu' ra ralan. Tingganai ru riwato no riminatong am nampagaau ra atan ondo' nakatias ra ralalom ru guang nilono.

MATIUS 13:54

Io pana minuli' boo ra pamagunan Nano galama'. Nangila' Io giu' ra baloi sambayangan am ulun ondo' nangkirongog Riso no nangimuag. Pangkuot ilo, “Ati naalapan No ra kapintaran koson raginio? Ilai' kuasa' Nano mambaal ra kaimuagan!

MATIUS 14:14

Paat i Jisus masak intor ra parau no am ilai' no masuang ulun, makaasi' Io risilo am babaso' no ulun-ulun ondo' marualan.

MATIUS 24:14

Tanou Moonsoi ra i Aki Kapuuno' mamarinta posoboyon ra ngaangai' ulun ru tana' ti koson ra sasi' mampaintutun risilo. Mopongo ginio bagu no matong pamupusan ru tana' ti.”

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MATIUS 9:35

Minongoi i Jisus ra ngaangai' pekan am pamagunan. Nangila' Io giu' ra baloi sambayangan am nampatanou ra Tanou Moonsoi ra i Aki Kapuuno' mamarinta. Namabas Io ra ulun-ulun intor ra nansalinut maruol nilono.

MARKUS 1:14

Kopongo i Juanis rinakop, ratong noyo i Jisus ra Galilia pampasaboi ra Tanou Moonsoi intor ri Aki Kapuuno'.

MARKUS 1:21

Pakasuku' i Jisus am maamaya'-maamaya' Nano ra pekan Kapirnaum. Paat ra orou Sabat ra sumunu' no, mumpos i Jisus ra baloi sambayangan am tumalimpuun mangila'.

MARKUS 1:39

Ugar Io boo ra tikop-tikop ru Galilia. Pambala' Io ra Tanou Moonsoi ralalom ru baloi sambayangan am mampagiru' Io ra riwato.

MARKUS 3:10

Sabap ra masuang ulun binabas Nano, am masuang poyo marualan mampipisi' sabap ra masaga' kumambong Riso.

MARKUS 6:2

Paat ra orou Sabat tumalimpuun Io mangila' giu' ra baloi sambayangan. Ulun masuang i nangimuag paat ra nokorongog Riso am indagu ilo, “Ati naalapan Nano ra ngaangai' ragitio? Kapintaran koson ra atan kia ondo' Riso ti? Ati kulaan No mapakito ra kaimuagan?

MARKUS 6:6

Mangimuag Io risilo ra ilo kalo mangintopot. Ongoi boo i Jisus ra kukula' pamagunan paginggaar am mangila' Io ra ulun.

LUKAS 10:9

Babaso' min ulun marualan ra giu' no am pambala' risilo, ‘Mamaar noyo i Aki Kapuuno' tumalimpuun mamarinta ramuyun.’

LUKAS 13:10

Paat ra rondo' orou Sabat, nangila' i Jisus giu' ra baloi sambayangan.

LUKAS 16:16

Sotopot no Ukum ri Musa am kitab ru nabi-nabi pinataak polos ra paat ri Juanis Mampariu' ayuk. Intor ragili, Tanou Moonsoi intor ati kulaan i Aki Kapuuno' mamarinta pinabala' noyo, am ulun gumogot masauk ra ulun ri Aki Kapuuno'.

LUKAS 20:1

Sangarawan raiti, paat ri Jisus nangila' am nampabala' ra Tanou Moonsoi ra ulun masuang giu' ra Baloi Tuhan, ratong tingganai imam Jaudi, mangingila' ra Ukum ri Musa am tingganai ru ulun ru Jaudi

LUKAS 4:14

Kopongo ragili saguli' i Jisus ra libung Galilia am kinuasa' Io ru Ambiluo ri Aki Kapuuno' no. Tanou intor Riso nakatabual ra ati ayuk intok ra libung raginio.

LUKAS 5:17

Sangarawan ragili paat i Jisus nangila', mokoondo' kukula' ngaulun ru Parisi am mangingila' ra Ukum ri Musa nantuturung mangkirongog Riso. Minatong ilo intor ra bandar Jirusalim am poyo intor ra moonong intok giu' ra libung Galilia am Judia. Kuasa' ru Tuhan siminoroi ri Jisus koson mamabas ra ulun marualan.

LUKAS 6:17

Paat ra mambusul i Jisus am rasul Nano intor ra bulur no am uog ilo ra rondo' limayak. Giu' i mokoondo' poyo masuang maamaya' Nano ra bokon. Masuang poyo ulun nakaratong intor ra titikop Judia, Jirusalim am bandar Tirus am Sidon, ondo' karuruo ti mamaar ra raat.

LUKAS 6:6

Sangarawan ra orou Sabat poyo, minongoi i Jisus pangila' ra rondo' baloi sambayangan. Giu' i mokoondo' sangulun ungkuyon ondo' minatoi satata' longon nali ra pamiris.

LUKAS 7:21

Paat ragili niayuk, namabas i Jisus ra nansalinut maruol am kaimbalaan ru ulun. Nampagiru' Io poyo ra riwato am niayuk namabas ra ulun noolou.

LUKAS 7:22

Taam i Jisus, “Saguli' kau ri Juanis am pambala' kau ra atan ondo' nakito am norongog min. Ulun bolou makakito, ulun kalo makalulu' makaugar, ulun makamaruol ra kungkung ondo' maaja' mababas, ulun barat makaining, ulun matoi maayag saguli' am Tanou Moonsoi intor ri Aki Kapuuno' pinabala' noyo ra ulun musikin.

LUKAS 8:1

Kalo nabuoi ragili, mugar-ugar i Jisus ra masuang bandar am pamagunan. Nampabala' Io ra Tanou Moonsoi ra i Aki Kapuuno' tumalimpuun noyo mamarinta. Mopor am ruo ngaulun maamaya' Nali minaya' niayuk Riso.

LUKAS 9:11

Pakatutun ulun masuang no ra giu' Io, sunu' ilo ri Jisus. Apuo' No ilo am pantunung Io ati kulaan i Aki Kapuuno' mamarinta am namabas Io niayuk ra ulun marualan.

LUKAS 9:60

Taam i Jisus, “Kalo pana. Polosoo' ayuk ra ulun ondo' kalo maya' Raki' mompolobong ra baangkai no. Kaa' okou, ongoi no pampabala' ra i Aki Kapuuno' timinalimpuun noyo mamarinta.”

JUANIS 18:20

Taam Io, “Nambala' Aku noyo toojo ra saang ru ulun masuang. Nangila' Aku ra baloi sambayangan am giu' ra Baloi Tuhan, ondo' masalok titimungan ru ulun ru Jaudi. Kalo nansibuni Aku ra Aku minindagu.

JUANIS 6:59

Ngaangai' ti rinagu ri Jisus ra Io nangila' giu' ra baloi sambayangan giu' ra Kapirnaum.

JUANIS 7:1

Kopongo ragili, ongoi i Jisus ra ati ayuk intok ra libung ru Galilia. Marara' Io mongoi ra Judia sabap ra tingganai ru Jaudi ra giu' i gumogot mamatoi Riso.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 18:4

Moonong orou Sabat, minongoi i Paulus pangila' giu' ra baloi sambayangan koson mangkimait ra ulun ru Jaudi am niayuk ulun ru Junani mangintopot ri Jisus.

RINALATAN 20:25

“Minongoi aku noyo ra intok mini am nampasaboi aku no ra tanou intor ra Pamarintaan ri Aki Kapuuno'. Kaa' raino, makapandai aku ra kalo boo makapantuum takau saguli'.

RINALATAN 28:31

Nangila' io risilo ra tanou intor ri Jisus Kristus am Pamarintaan ri Aki Kapuuno'. Kalo nalaa' io am kolondo' niayuk nongompong riso.

ROMA 10:15

Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”