MATIUS 4:19 - Tanou Moonsoi Timugon

¹⁹ Indagu i Jisus risilo, “Baya' kano Raki'. Ilaan takamin mangkimait ra ulun mangintopot Raki'.”

MATIUS 4:19 ပူးပေါင်းရင်းမြစ်များ

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 19:21

Indagu i Jisus riso, “Amon ru masaga' kou matanda', ongoyo' talano' ngaangai' kuliamos muno am ruit no pataaki' ra ulun musikin, am okou pana makarapu' giu' ra suruga'. Mopongo raginio ibok, baya' no Raki'.”

MATIUS 4:18

Paat ri Jisus nangkiralan ra kiing ru Tasik Galilia, kakito No ruo ngaulun magaka', ioginio i Simon (ondo' poyo ininggalanan ri Pitrus) am boborok nano, i Andrias. Ilo ti namparalo ra tasik no.

MATIUS 4:20

Indibok iruani' nilo ralo nilono am baya' ilo boo ri Jisus.

MATIUS 8:22

Kaa' taam i Jisus, “Polosoo' ayuk ra ulun ondo' kalo maya' Raki' mompolobong ra baangkai no am baya' no Raki'.”

MATIUS 9:9

Iruani' ri Jisus intok raginio. Tatanga' ra Io nangkiralan, kakito No sangulun mampalulur ra cukai, ioginio i Matius, nanturung ra baloi ru cukai no. Indagu i Jisus riso, “Baya' Raki'!” Bigor i Matius am baya' io ri Jisus.

MARKUS 2:14

Liliwa' Io nansail ra giu' no, kakito No sangulun mampalulur ra cukai, inggalan nano i Liwi, anak ri Alpius. Nanturung io ra lamin ru cukai am indagu boo i Jisus riso, “Baya' no Raki'!” Bigor i Liwi am baya' Riso.

LUKAS 5:27

Kopongo ragili, ugar i Jisus am pakakito Io ri Liwi, sangulun mampalulur ra cukai. Panturung io ra pangandayan nali. Indagu i Jisus riso, “Baya' Raki'.”

LUKAS 9:59

Indagu boo i Jisus ra sangulun poyo, “Baya' no Raki'.” Kaa' indagu ulun i, “Ongoyo' ku poyo galing lobongo' baangkai ru ama' kuli.”

JUANIS 1:43

Io suabon, nangaru' i Jisus mongoi ra libung ru Galilia. Natuum No i Pilipus am indagu Io riso, “Baya' no Raki'!” (

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 21:22

Taam i Jisus riso, “Amon ru masaga' Aku ra maayag io saboi ra Aku matong saguli', kua kaimamang kou raginio? Kaa' okou baya' no Raki'.”

2 KORINTUS 12:16

Maaru' iowon min noyo ra kalo igondo' pantipagon aku ramuyun. Kaa' mokoondo' mindagu ra aku ti maabau-abau am mapandai toojo mamparuung ramuyun.