MATIUS 4:17 - Tanou Moonsoi Timugon

¹⁷ Intor ragili timinalimpuun i Jisus mampabala' ra Tanou Moonsoi, kon Nano, “Talikur kano intor ra tula mino, sabap ra mamaar noyo i Aki Kapuuno' mamarinta!”

MATIUS 4:17 ပူးပေါင်းရင်းမြစ်များ

MATIUS 10:7

Ongoi kau am pambala', ‘Mamaar noyo i Aki Kapuuno' mamarinta.’

MATIUS 11:12

Intor ri Juanis Mampariu' nampatanou ra tanou no suku' raino ti, Pamarintaan ri Aki Kapuuno' inanggal ru ulun malaat ondo' mangkinam manguasa' no pabayaan ra kalaatan.

MATIUS 13:11

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta, kaa' ulun masuang no kalo.

MATIUS 13:24

Nantunung poyo i Jisus risilo ra rondo' abig. “Paat i Aki Kapuuno' mamarinta, baal no koson sangulun mampatias ra sampug ondo' moonsoi giu' ra umo nali.

MATIUS 13:47

“Paat ri Aki Kapuuno' mamarinta poyo, baal no koson ra ralo ondo' pinataan ra tasik am makaalap nansalinut papait.

MATIUS 13:9

Indagu boo i Jisus, “Rongogo' am karaa' min!”

MATIUS 25:1

“Paat ri Aki Kapuuno' tumalimpuun mamarinta, baal no koson ragitio: Mopor ngaulun ralaa mingkual magibit ra pilasut nilono mongoi panguma' ra ungkuyon uoton.

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MATIUS 6:10

Gama' ru Okou mamarinta saboi kasagaan Muno saukon ra tana' ti mogondo' giu' ra suruga'.

MATIUS 9:13

Uyumo' min noyo atan arati' tinulisan ra Buuk Kitab ti: ‘Marara' Aku ra taak simbalui min kaa' masaga' Aku ra makaasi' kau ra ulun bokon.’ Aku minatong sala' ka mampiau ra ulun ondo' moonsoi rokokoon, kaa' mampiau ra ulun ondo' karaan ra malaat.”

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

LUKAS 15:7

Balain takamin: Koson niayuk giu' ra suruga' maansukan toojo sabap ra sangulun makatula tumalikur intor ra tula nano, intor ra siam ngoopor am siam ngaulun moonsoi ondo' kalo pana tumalikur intor ra tula.”

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

LUKAS 3:23

I Jisus nanalimpuun ra kandoi Nano ra Io talu ngoopor ngambilor. Sumugut ra tunung ru ulun, anak Io ri Jusup. I Jusup anak ri Ili.

LUKAS 5:32

Aku minatong sala' ka mampiau ra ulun ondo' moonsoi rokokoon, kaa' ulun makatula koson tumalikur ilo intor ra tula.”

LUKAS 9:2

Susubo' No boo ilo mongoi pamabas ra ulun marualan am pampabala' ra ati kulaan i Aki Kapuuno' mamarinta.

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

IBRANI 6:1

Ginio ra, tatango' takau noyo puun ru pangilaan Kristian no am sumingkot poyo ra pangilaan malandom. Pai' takano ruli'-ruli' makiila' poyo ra puun pangilaan, koson tumalikur intor ra baal ra kolondo' onong, mangintopot ri Aki Kapuuno',