MATIUS 4:10 - Tanou Moonsoi Timugon

¹⁰ Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

MATIUS 4:10 ပူးပေါင်းရင်းမြစ်များ

1 TUNUNG RU BANSA' ISRAIL 21:1

Masaga' Tingganai ru riwato mantipagon ra ulun ru Israil; ginio boo ra inambi' no Raja' Daut maa' raginio manguntob ra mamagun ru Israil.

AYUP 1:12

Indagu boo Tuhan ri Manusuk, “Iou noyo, baalo' atan ayuk ra ngaangai' longgom nano, ondo' ak am kalo luuson mu i Ayup.” Ugar boo i Manusuk intor ra saang ru Tuhan.

AYUP 1:6

Paat ra sangarawan ilo ondo' maayag am minayan ra suruga' minuma' ra Tuhan, am i Manusuk niayuk siminaang nababaya' risilo.

AYUP 2:1

Ilo ondo' giu' ra suruga' minatong poyo ra saang ru Tuhan, am i Manusuk pana siminaang nababaya' risilo.

MAZMUR 109:6

Pasauko' noyo sangulun malaat koson mangakim ra pantula' kuno, am polosoon noyo pantula' no tagion ru pantula' nano galama'.

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

MATIUS 16:23

Pangkaili i Jisus am indagu Io boo ri Pitrus, “Pagiru' intor Raki', okou Tingganai ru riwato! Okou mongompong ra ralan Kuno. Pamaguangan muno pamaguangan ru ulun, sala' ka pamaguangan ri Aki Kapuuno'!”

MARKUS 1:13

Minayan Io ra giu' buoi apat ngoopor ngoorou, kininaman Io ru Tingganai ru riwato. Io soroi ra giu' am nagiantanga' ra bibiag masigo am malaikat nangindangan Riso.

LUKAS 10:18

Indagu i Jisus risilo, “Nakito Ku Tingganai ru riwato naratu' intor ra limbowon koson ra ganit.

LUKAS 11:18

Amon ru natatayar pamarintaan ru Tingganai ru riwato no sabap ra mansasangor ilo ra rondo' am bokon, ati kulaan ilo tumaan? Mindagu kau nampagiru' Aku ra riwato sabap ra inanian Aku ri Biiljibul ra kuasa'.

LUKAS 13:16

Ilai' ruandu' papag ri Abragam ti, binangkil io ru Tingganai ru riwato buoi mopor am balu' ngambilor. Kalo kia bugalon babangkil nano paat ra orou Sabat?”

LUKAS 22:3

I Judas, ondo' sabiton ri Iskariot, sinubol ru Tingganai ru riwato. I Judas ti sangulun intor ra mopor am ruo ngaulun maamaya' ri Jisus.

LUKAS 22:31

“Simon, rongogo'! Tingganai ru riwato no iniou noyo mangkinam ramuyun ngaangai' koson ra sangulun mangatap ra bilor.

LUKAS 4:8

Taam i Jisus, “Tinulisan noyo ralalom Buuk Kitab, ‘I Aki Kapuuno' ayuk sambaan muno am mangandoi ayuk Riso!’ ”

JUANIS 13:27

Kaalap ayuk ri Judas ruti' i, subol bagu Tingganai ru riwato riso. Indagu boo i Jisus riso, “Baalo' noyo atan guangon muno ra mataki'!”

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

RINALATAN 5:3

Indagu i Pitrus riso, “Ananias, kua polosoo' mu Tingganai ru riwato mangkinibit rirun magabau ra Ambiluo ri Aki Kapuuno', ra inalap mu santayaran ra ruit ru tana' tinalan muli?

1 KORINTUS 5:5

Polosoo' min ak ulun no kuasaan ru Tingganai ru riwato koson mamuso ra inan nano, maa' raginio bayagon boo ambiluo nano paat ra Tuhan matong saguli'.

1 KORINTUS 7:5

Pai' pagimpong ra rondo' am bokon, ondo' ak am ra kukula' buoi ayuk, amon ru mangiou karuruo, maa' raginio makapakiasi' kau toojo. Kaa' kopongo raginio, karuruo no musiti' marampit saguli'. Maa' raginio kalo makinibitan kau ru Tingganai ru riwato no sabap ra kalo moorot min kasagaan ru guang mino.

2 KORINTUS 11:14

Ginio kalo makaimuag! Tingganai ru riwato pana makasalu ra malaikat ri Aki Kapuuno' ondo' makasinda.

2 KORINTUS 12:7

Kaa' maa' raginio kalo minsawat guang kutu sabap ra kinibit ru papakitanan ondo' makaimuag, inanian aku ra rondo' maruol ra inan kutu. Mansail ra maruol ti magail aku imboloon ru Tingganai ru riwato, maa' raginio kalo boo minsawat guang kutu.

2 KORINTUS 2:11

Maa' raginio kolondo' kaluagan ru Tingganai ru riwato manguasa' ritakau; sabap ra nakapandai takau no ra atan ondo' atangon nano.

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

JAKUBUS 4:7

Ginio ra gagaya' kano ri Aki Kapuuno'. Anggalo' min noyo Tingganai ru riwato no, am magiru' io boo intor ramuyun.

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.

1 PITRUS 5:9

Gulaa' io no mabaya' ra kinaikang ru pangintapatan min, sabap ra nakapandai kano ra pabukat min ra Kristian ra tikop-tikop ru tana' ti maimbolo' niayuk mogondo' ramuyun.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”