MATIUS 3:2 - Tanou Moonsoi Timugon

² “Talikur kano intor ra tula mino sabap ra mamaar noyo i Aki Kapuuno' mamarinta!”

MATIUS 3:2 ပူးပေါင်းရင်းမြစ်များ

1 RAJA'-RAJA' 8:47

rongogo' noyo ulun Muno. Amon ru tumalikur ilo intor ra tula am makiasi' Rirun ra pagun no, am niayuk mangiou ra makatula ilo am mambaal ra malaat, rongogo' noyo pakiasian nilo, iou Tuhan.

AYUP 39:12

Malansan kou kia ra sapi' masigo koson manimung ra kumoson, am magibit ra ampos ru tinanom muno mongoi ra intok pangagikan?

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

MATIUS 10:7

Ongoi kau am pambala', ‘Mamaar noyo i Aki Kapuuno' mamarinta.’

MATIUS 11:20

I Jisus pana tumalimpuun mansawai ra ulun ru pekan-pekan ondo' intok raginio nambaalan no ra masuang kaimuagan, sabap ra ulun ondo' minayan ra pekan-pekan raginio kalo tumalikur intor ra tula nilono.

MATIUS 12:41

Paat ra Orou Pupus no, ulun-ulun ru Niniwi migor am manguu' ramuyun sabap ra ilo timinalikur intor ra tula nilono paat ra ilo nangkirongog ra ragu ri Junus. Kaa' pakapandai no, ragiti mokoondo' maayo poyo intor ri Junus!

MATIUS 13:11

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta, kaa' ulun masuang no kalo.

MATIUS 13:24

Nantunung poyo i Jisus risilo ra rondo' abig. “Paat i Aki Kapuuno' mamarinta, baal no koson sangulun mampatias ra sampug ondo' moonsoi giu' ra umo nali.

MATIUS 13:31

Nantunung poyo i Jisus risilo ra rondo' abig, “Paat ri Aki Kapuuno' mamarinta, baal no koson ra sangunor puun mustard ondo' tonomon ru sangulun giu' ra umo nali.

MATIUS 13:33

Nantunung poyo i Jisus risilo ra rondo' abig. “Paat ri Aki Kapuuno' mamarinta, baal no koson ra ragi ondo' inalap ru sangulun ruandu'. Porotoko' no ra apat ngoopor ngakilo ra tapung, am samput boo tapung i.”

MATIUS 13:47

“Paat ri Aki Kapuuno' mamarinta poyo, baal no koson ra ralo ondo' pinataan ra tasik am makaalap nansalinut papait.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

MATIUS 18:23

Sabap ra paat ri Aki Kapuuno' mamarinta, baal no koson ragitio: Mokoondo' sangulun raja' manalasai ra ira' ru ulipon-ulipon nali.

MATIUS 20:1

“Paat ri Aki Kapuuno' mamarinta, baal no koson sangulun tatangan ra umo ru anggur. Rumondom io mingkual maguyum ra mangngandoi ra umo nano.

MATIUS 22:2

Indagu Io, “Paat ri Aki Kapuuno' mamarinta, baal no koson ra sangulun raja' mampatampos ra bunsag paguatan ra anak ungkuyon nano.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MATIUS 25:1

“Paat ri Aki Kapuuno' tumalimpuun mamarinta, baal no koson ragitio: Mopor ngaulun ralaa mingkual magibit ra pilasut nilono mongoi panguma' ra ungkuyon uoton.

MATIUS 25:14

“Paat ri Aki Kapuuno' tumalimpuun mamarinta, baal no koson ragitio: Mokoondo' sangulun tuan masaga' mugar mongoi ra pagun ra bokon. Pampiau io ra ulipon-ulipon nano am pataaki' no rapu' nano am pailayin no risilo.

MATIUS 4:17

Intor ragili timinalimpuun i Jisus mampabala' ra Tanou Moonsoi, kon Nano, “Talikur kano intor ra tula mino, sabap ra mamaar noyo i Aki Kapuuno' mamarinta!”

MATIUS 4:23

Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.

MATIUS 5:10

Pakaansuk noyo ulun ondo' kasisangin sabap ra mambaal ayuk ra kasagaan ri Aki Kapuuno', sabap ra ilo noyo ulun ri Aki Kapuuno'.

MATIUS 5:3

“Pakaansuk noyo ulun ondo' makapandai ra ilo masuang tula, sabap ra ilo no ulun ri Aki Kapuuno'.

MATIUS 6:10

Gama' ru Okou mamarinta saboi kasagaan Muno saukon ra tana' ti mogondo' giu' ra suruga'.

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

MARKUS 1:15

Ragu Nano, “Paat nano naukop noyo; i Aki Kapuuno' tumalimpuun mamarinta. Talikur kano intor ra tula mino am pangintopot kano ra Tanou Moonsoi ti!”

MARKUS 1:4

Koson ra tinulisan no, nogondo' niayuk i Juanis Mampariu' siminila' giu' ra tana' kaagisan. Mampariu' ra ulun am mampabala' ra tanou ri Aki Kapuuno', kono, “Talikur kano intor ra tula mino am pakiriu' kano am ampunon kau boo ri Aki Kapuuno'.”

MARKUS 6:12

Mopor am ruo ngaulun maamaya' no pana minugar boo am mampabala' ra ulun musiti' tumalikur intor ra tula nilai.

LUKAS 1:16

Masuang ulun ru Israil ibiton no sumaguli' ri Aki Kapuuno', Tuhan nilai.

LUKAS 11:20

I Aki Kapuuno' nangani' Raki' ra kuasa' mampagiru' ra riwato am gitio noyo tatandu' ra timinalimpuun noyo i Aki Kapuuno' mamarinta ramuyun.

LUKAS 13:3

Kalo! Balain takamin, amon ru kalo tumalikur kau intor ra tula mino, akau ngaangai' matoi koson risilo am pasubolon ra naraka.

LUKAS 13:5

Kalo! Balain takamin, amon ru kalo tumalikur kau intor ra tula mino, akau pana matoi koson risilo am pasubolon ra naraka.”

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

LUKAS 15:7

Balain takamin: Koson niayuk giu' ra suruga' maansukan toojo sabap ra sangulun makatula tumalikur intor ra tula nano, intor ra siam ngoopor am siam ngaulun moonsoi ondo' kalo pana tumalikur intor ra tula.”

LUKAS 16:30

Kaa' indagu ulun langkaya' no, ‘Aki Abragam, kalo mampaguang ilo toojo, kaa' amon ru mokoondo' sangulun maayag saguli' intor ra kapatayan am matong risilo, maaru' tumalikur ilo intor ra tula nilo.’

LUKAS 21:31

Koson niayuk ra amon ru makito min tatandu' ragitio masauk, mapandayan min mamaar noyo i Aki Kapuuno' mamarinta.

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

LUKAS 6:20

Tantangi' ri Jisus ngaangai' maamaya' Nano am indagu, “Pakaansuk kano, ondo' musikin, sabap ra akau noyo ulun ri Aki Kapuuno'.

LUKAS 9:2

Susubo' No boo ilo mongoi pamabas ra ulun marualan am pampabala' ra ati kulaan i Aki Kapuuno' mamarinta.

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

2 KORINTUS 7:10

Sabap ra ngiluk ru guang koson raginio noyo magibit ra pangkulawan ru guang am pamayagan – am kalo pana pansagulian raginio. Kaa' guang mangiluk ondo' sumugut ayuk ra kasagaan ru ulun, mangkinibit ra kapatayan.

KOLOSI 1:13

Nampalabus Io noyo ritakau intor ra kuasa' ru kalandaman am pinoongoi takau boo ra ralalom ru pamarintaan ru Anak tinagaman Nano.

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

IBRANI 6:1

Ginio ra, tatango' takau noyo puun ru pangilaan Kristian no am sumingkot poyo ra pangilaan malandom. Pai' takano ruli'-ruli' makiila' poyo ra puun pangilaan, koson tumalikur intor ra baal ra kolondo' onong, mangintopot ri Aki Kapuuno',

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.

PINAINTALANG 2:21

Nangani' Aku noyo riso ra kaluagan tumalikur intor ra tula nano, kaa' marara' io tumalikur intor ra pansasawaan nano.

PINAINTALANG 2:5

Karaa' noyo ra kalo boo motogom kau! Talikur kano intor ra tula mino am baalo' noyo atan ondo' binaal min ra talimpuun i. Amon ru kalo tumalikur kau, matong Aku ramuyun am mangiru' ra tampakan ra lampung mino.