MATIUS 3:17 - Tanou Moonsoi Timugon

¹⁷ Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

MATIUS 3:17 ပူးပေါင်းရင်းမြစ်များ

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 42:21

Masalok Tuhan masaga' mamayag; masaga' Io ra ukuman Nano urumaton am tulayon.

IMAMAT 15:15

Mapataak imam ra sanginan intor ra susuit no koson taak simbalui koson mangampun ra tula am sanginan poyo koson ra taak simbalui koson mapabansuk ra guang ru Tuhan. Kon ragitio noyo imam mambaal ra upacara pamasawan tayar ru ulun no ra saang ru Tuhan.

MATIUS 12:18

“Gitio noyo ulipon Kutu ondo' pinili' Kutu, sangulun ondo' tagamin Kuno am mapakatasu' ra guang Kuno. Pataakin Ku Ambiluo Kuno Riso, am mampatanou Io ra ngaangai' bansa' ra Aku ti motopot.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MARKUS 1:11

Morongog boo bolos ri Aki Kapuuno' mambala'; “Okou noyo Anak Kuno ondo' tagamin Kuno, maansayan Aku Rirun.”

MARKUS 9:7

Ratong boo gaun nangulumput risilo am intor ra ralalom ru gaun no norongog nilo bolos: “Gitio noyo Anak Kutu ondo' tagamin Kutu, rongogo' min Io!”

LUKAS 3:22

am Ambiluo ri Aki Kapuuno' koson ra baal ru susuit asang timinuun Riso. Morongog boo bolos ri Aki Kapuuno' mambala', “Okou noyo Anak Kuno ondo' tagamin Kuno, maansayan Aku Rirun.”

LUKAS 9:35

Kaining nilo bolos intor ra gaun minindagu, “Gitio noyo Anak ondo' pinili' Kutu. Pangkirongog kano Riso!”

JUANIS 5:20

Sabap ra motogom i Ama' ra Anak am manulu' Riso ra atan ayuk baalon Nano galama'. Manulu' Io poyo ra Anak ra baal ondo' maatang poyo saboi mangimuag kau ngai'.

JUANIS 5:37

I Ama', ondo' nanusub Raki', Io no galama' mampaintutun Raki'. Akau kalo poyo igondo' pokorongog ra bolos Nali kapoam pakakito ra bulos Nali.

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

KOLOSI 1:13

Nampalabus Io noyo ritakau intor ra kuasa' ru kalandaman am pinoongoi takau boo ra ralalom ru pamarintaan ru Anak tinagaman Nano.

2 PITRUS 1:17

Soroi akai ra giu' i paat ra Io inurumat am inanian ra kuasa' ri Aki Kapuuno', Ama' takau. Paat ragili, norongog ra bolos ru Io Ondo' Matulai Kaga', kon Nano, “Gitio noyo Anak tagamin Kutu am Io no kaansayan Kutu toojo.”

1 JUANIS 5:9

Mangintopot takau ra kaintutunan ru ulun, kaa' mulu' poyo toojo ra kaintutunan ri Aki Kapuuno'. Ginio noyo kaintutunan ri Aki Kapuuno' intor ra Anak Nano, i Jisus Kristus.

PINAINTALANG 14:2

Giu' boo ra limbowon korongog ku bolos koson ra kinapuor ru bosoi maayo am koson ra timpalak mapuor. Bolos nano morongog koson ra bolos ru jitor paat ra kulion.