MATIUS 3:16 - Tanou Moonsoi Timugon

¹⁶ Kariu' i Jisus, asak Io intor ra sungoi no. Paat ragili kaukab limbowon am kakito ri Jisus Ambiluo ri Aki Kapuuno' timinuun Riso koson ra susuit asang.

MATIUS 3:16 ပူးပေါင်းရင်းမြစ်များ

JISAYA 11:2

Kuasa' ru Tuhan manaak riso ra kapintaran am niayuk katutunan am kapintaran koson mamarinta ra ulun nano. Makaulig io ra kasagaan ru Tuhan am mangurumat Riso.

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

YEHEZKIEL 1:1

Paat orou kalimo ra sila' kaapat ralalom ru bilor katalu ngoopor, aku Imam Yehezkiel anak ri Busi, soroi giu' ra kiing ru Sungoi Kibar ra Babilonia nababaya' ra ulun ru Jaudi ra pinatiran. Bulintok raginio limbowon naukab am nakaalap aku ra rondo' pinaintalang intor ri Aki Kapuuno'. (

MARKUS 1:10

Paat ra Io minasak intor ra sungoi i, makito No ra limbowon pabulowo am Ambiluo ri Aki Kapuuno' timinuun Riso koson ra susuit asang.

JUANIS 1:51

Indagu poyo i Jisus risilo, “Balain takamin toojo, makito min suruga' pabulowo am malaikat-malaikat ri Aki Kapuuno' magaloi am tumuun mongoi ra Anak ru Ulun.”

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

RINALATAN 1:22

intor i Juanis timinalimpuun mampariu' ra ulun saboi ra orou i Jisus kinayang mongoi ra suruga'.”

RINALATAN 7:56

Indagu io, “Ilai', nakito ku suruga' no naukab am Anak ru Ulun minigor ra tampilon pamiris ri Aki Kapuuno'!”

1 JUANIS 5:6

I Jisus Kristus noyo ondo' minatong ra tana' ti nabaya' ra timug pinampariu' Riso am raraa' ru pinatayan Nali. Minatong Io sala' ka nabaya' ra timug, kaa' nabaya' ra timug am raraa'. Ambiluo ri Aki Kapuuno' galama' mapaintutun ragitio motopot, sabap ra Ambiluo raginio niayuk motopot.