MATIUS 3:11 - Tanou Moonsoi Timugon

¹¹ Ginio ra riwon takamin ra timug koson ra tatandu' ra akau ti timinalikur noyo intor ra tula. Kaa' Io ondo' matong ra maagu no mampariu' ramuyun ra Ambiluo ri Aki Kapuuno' am apui. Maayo kuasa' Nano ka aku, magibit ra kasut Nano pana kalo maaya' aku.

MATIUS 3:11 ပူးပေါင်းရင်းမြစ်များ

JISAYA 4:4

Ralalom ru kuasa' Nano Tuhan mangakim am mamasau ra bansa' raginio. Pusoon No kasalaan ru Jirusalim am kapasawon no intor ra raraa' ondo' pinasasar ra giu' no.

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

MATIUS 3:6

Mangiou ilo ra tula nilai am riwon ilo ri Juanis ra Sungoi Jordan.

MARKUS 1:4

Koson ra tinulisan no, nogondo' niayuk i Juanis Mampariu' siminila' giu' ra tana' kaagisan. Mampariu' ra ulun am mampabala' ra tanou ri Aki Kapuuno', kono, “Talikur kano intor ra tula mino am pakiriu' kano am ampunon kau boo ri Aki Kapuuno'.”

LUKAS 1:17

Momongo io ra ralan ru Tuhan am maikang am makakuasa' io koson ra nabi Ilia. Mopobonsoi io ra ama' am anak, magibit ra ulun ondo' kalo gumagaya' sumaguli' ra pangkaraan motopot. Koson raginio boo, momongo io ra ulun tumampos manguma' ra Tuhan.”

LUKAS 3:16

Kaa' indagu i Juanis risilo, “Aku ti mampariu' ramuyun ra timug ayuk, kaa' ra maagu no matong sangulun ondo' maayo kuasa' Nano intor raki'. Mamagus ra kasut Nano pana kalo maaya' aku. Mampariu' Io ramuyun ra Ambiluo ri Aki Kapuuno' am apui.

LUKAS 3:3

Ongoyo' boo ri Juanis ngaangai' intok ra libung ru Sungoi Jordan am nampatanou ra bala' ri Aki Kapuuno', kono, “Talikur kano intor ra tula mino am pakiriu' kau, maa' raginio ampunon kau ri Aki Kapuuno'.”

JUANIS 1:15

Kosongowo' ri Juanis nampaintutun Riso, kono, “Io no kon kuli ra, ‘Tumauli Io raki' kaa' maatang Io toojo intor raki', sabap ra soroi Io noyo ra aku kalo poyo inanak.’ ”

JUANIS 1:30

Io no kon kuli ra, ‘Tumauli Io raki', kaa' maatang Io toojo intor raki', sabap ra soroi Io no ra aku kalo poyo inanak.’

RINALATAN 1:5

Nampariu' i Juanis ramuyun ra timug, kaa' kukula' ngoorou poyo am riwon kau ra Ambiluo ri Aki Kapuuno'.”

RINALATAN 19:4

Indagu i Paulus, “I Juanis ti nampariu' noyo ra ulun koson mambala' ra timinalikur ilo intor ra tula. Kaa' nambala' io poyo ra ulun ru Israil ra ilo ti musiti' mangintopot ra Ulun ondo' tumauli riso, io no i Jisus.”

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

RINALATAN 8:38

Panusub boo pagawai no mampauog ra sinakayan nano. Pakauog ayuk tuun ilo karuo, am tapung ra timug am riwo' io boo ri Pilipus.

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”