MATIUS 28:7 - Tanou Moonsoi Timugon

⁷ Ribaki' ugar no raino am balai' maamaya'-maamaya' Nano, ‘Binayag Io saguli' intor ra kapatayan, am raino sumigulu Io ramuyun mongoi ra Galilia. Giu' no makakito kau Riso.’ Karaa' atan rinagu kuno ramuyun.”

MATIUS 28:7 ပူးပေါင်းရင်းမြစ်များ

JISAYA 44:8

Pai' noyo kalaa', akau ulun Kuno! Nakapandai kano intor ra galing suku' ragino nanala' Aku no ra nansalinut kasaukan no; akau noyo sasi'-sasi' Kuno. Suai Raki', kolondo' bokon, am kolondo' manindung ra bokon ondo' kalo poyo napandayan Kuno.”

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

MATIUS 24:25

Rongogo' min! Nakaindagu Aku noyo ramuyun paat ra kalo poyo nasuku' baal ti.

MATIUS 26:32

Kaa' malupus Aku bayagon saguli' intor ra kapatayan, sumigulu Aku ramuyun mongoi ra Galilia.”

MATIUS 28:10

“Pai' kano kalaa',” ragu ri Jisus risilo, “Ugar kano susubo' pabukat-pabukat Kuno mongoi ra Galilia, am giu' no makakito ilo Raki'.”

MATIUS 28:8

Kabalu' pana naansukan ilo nalaa' piboo kakaga' am indibok ingkual intor ra lobong no am simbul ilo ongoi pambala' ra maamaya'-maamaya' Nano.

MARKUS 14:28

Kaa' mopongo Aku bayagon saguli', sumigulu Aku ramuyun mongoi ra Galilia.”

MARKUS 16:10

I Maria Magdalina minongoi pambala' ra rangan-rangan ri Jisus ra atan nasauk. Nanulaboi am nangulir ilo.

MARKUS 16:13

Saguli' ilo am pambala' ra baal ti ra rangan nilo. Kaa' ilo pana kalo nangintopot.

LUKAS 24:34

Indagu ilo ra karuruo ngaulun i, “Totopot naayag noyo saguli' Tuhan i! I Simon nakakito Riso!”

JUANIS 14:29

Pabalaan Ku ginio ramuyun raino ra kalo poyo masauk ngaangai' no, maa' raginio ra io masauk, mangintopot kau Raki'.

JUANIS 16:4

Kaa' mambala' Aku ramuyun raino, maa' raginio ra io masauk, makara' min ra binalaan takamin noyo kalalair.” “Kalo binalaan takamin raginio intor ra talimpuun i, sabap ra lakat Aku ayuk poyo nabaya' ramuyun.

1 KORINTUS 15:4

linobong io, kaa' nalupus nataluan binayag io saguli'. Ginio niayuk natulisan noyo ra Buuk Kitab.

1 KORINTUS 15:6

Kopongo ragili igondo' Io po minintalang ra maamaya' Nano ondo' suang olo'-olo' limo ngaatus ngaulun. Kasuangan nilono lakat ayuk poyo maayag, kaa' kukula' ngaulun minatoi noyo boo.