MATIUS 28:17 - Tanou Moonsoi Timugon

¹⁷ Paat ra nakito nilo i Jisus, samba ilo Riso, ondo' pana kukula' ngaulun intor risilo kalo nangintopot toojo.

MATIUS 28:17 ပူးပေါင်းရင်းမြစ်များ

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 45:11

Rongogo' noyo ragu-ragu kutu, okou andu' raja', liliani' noyo bansa' am niayuk pabukat muno.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MATIUS 28:9

Pulusat ri Jisus uma' ra ruandu'-ruandu' no am indagu, “Kaansayan Ku ramuyun.” Inggaar ilo Riso, guut ra kalayam Nano am samba Riso.

MARKUS 16:11

Kaa' paat ra ilo nokorongog ra i Jisus naayag noyo am ra i Maria nakakito Riso, kalo nangintopot ilo.

MARKUS 16:13

Saguli' ilo am pambala' ra baal ti ra rangan nilo. Kaa' ilo pana kalo nangintopot.

MARKUS 16:14

Pupus no, minintalang i Jisus ra koopor am rondo' maamaya' Nali paat ra ilo nangakan. Giu' i sinawai No ilo sabap ra kolondo' pangintapatan am mokotog ulu nilo saboi kalo nangintopot ilo ra ulun ondo' nakakito galama' ra Io naayag.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

RINALATAN 1:3

Kopongo ra pinatayan Nali, ra buoi apat ngoopor ngoorou i, ingkukula' Io minintalang risilo am niayuk nampaintopot risilo ra Io totopot naayag. Nakakito ilo Riso, am nakimansunur Io risilo intor ra Pamarintaan ri Aki Kapuuno'.

1 KORINTUS 15:6

Kopongo ragili igondo' Io po minintalang ra maamaya' Nano ondo' suang olo'-olo' limo ngaatus ngaulun. Kasuangan nilono lakat ayuk poyo maayag, kaa' kukula' ngaulun minatoi noyo boo.