MATIUS 27:54 - Tanou Moonsoi Timugon

⁵⁴ Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

MATIUS 27:54 ပူးပေါင်းရင်းမြစ်များ

MATIUS 26:63

Nongkoror ayuk i Jisus. Igondo' poyo Tingganai Maayo Imam Jaudi ti mangkuot Riso, “Ralalom inggalan ri Aki Kapuuno' ondo' naayag, balai' akai, Okou kia Mamamayag ondo' sinusub ri Aki Kapuuno', ioginio Anak ri Aki Kapuuno'?”

MATIUS 27:36

Kopongo raginio panturung am tamungi' nilo Io.

MATIUS 27:40

“Ragu Mu, ‘Lunsayon Ku Baloi Tuhan am baalon Ku saguli' buoi kataluan’! Amon ru Anak Kou ri Aki Kapuuno', ibayag no galama' am tuun ra salip no!”

MATIUS 27:43

Io ti malansan ri Aki Kapuuno' am rokoon no, ‘Anak Aku ri Aki Kapuuno'’. Moonsoi ilai' takau bayagon Io nua' ri Aki Kapuuno' raino.”

MATIUS 27:51

Tabir ondo' pinatair ralalom Baloi Tuhan napiruo karilak intor ra rasawat suku' ra ragana'. Tana' ti nauyog am bulur batu nangapilang.

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

MATIUS 8:5

Paat ri Jisus nakasuku' ra pekan Kapirnaum, sangulun tingganai ru saujor Roma timinuum am makitaak Riso,

MARKUS 15:39

Tingganai ru saujor ondo' minigor ra tuma' ru salip i, nakakito ati kulaan i Jisus patoi. Tingganai ru saujor i mindagu, “Motopot toojo ulun ti Anak ri Aki Kapuuno'!”

LUKAS 22:70

Nagagampan ilo minindagu, “Ginio poyo, Anak Kou kia ri Aki Kapuuno'?” Taam i Jisus, “Kamin, Aku noyo Io.”

JUANIS 19:7

Taam ulun-ulun ru Jaudi no, “Sumugut ra ukum mai, Io ti musiti' ukumin ra potoyon sabap ra rokoon Nano ra Anak Io ri Aki Kapuuno'.”

RINALATAN 10:1

Mokoondo' sangulun ungkuyon makainggalan ri Konilius minayan ra Kaisaria. Io ti tingganai ru tayar saujor Roma ondo' sabiton ra “Rejimen ru Itali”.

RINALATAN 2:37

Pakaining ulun-ulun no ra ragu ri Pitrus ni, napasilak guang nilai. Pangkuot ilo boo ri Pitrus am rasul ra bokon no, “Pabukat kau, raino atan kia maaru' baalon mai?”

RINALATAN 21:32

Pagindibok boo tingganai maayo saujor i nagibit ra kukula' ngaulun pagawai ru saujor am niayuk saujor am ongoi ra intok ru ulun masuang i. Pakakito ayuk ulun-ulun no ra tingganai maayo saujor nabaya' ra saujor nano, langgai' nilo boo mampalamba' ri Paulus.

RINALATAN 23:17

Pampiau boo i Paulus ra sangulun tingganai ru saujor am indagu, “Ibito' noyo tuu'-bagu ti muma' ra tingganai maayo mino, sabap ra mokoondo' io pabalaan no riso.”

RINALATAN 23:23

Piawo' boo ru tingganai maayo no ruo ngaulun tingganai ru saujor am indagu, “Pongoono' min ruo ngaatus ngaulun saujor, tulu' ngoopor saujor manangkuda am poyo ruo ngaatus saujor manantutura'. Ilo ti poongoyon ku ra Kaisaria ra jam kasiam rondom ra raiti' niayuk.

RINALATAN 27:1

Kopongo ilo nangaru' ra poongoyon akai ra pagun ru Itali, i Paulus am kukula' ngaulun ondo' inaput no pinaalungan ri Julius. Io ti sangulun tingganai ru saujor Roma intor ra tayar ondo' sabiton ra “Rejimen ru Kaisar”.

RINALATAN 27:43

Kaa' kalo iniou ilo ru tingganai nilai sabap ra masaga' io mamayag ri Paulus. Ginio ra susubo' no ngaangai' ulun ondo' mapandai mansarui galing tumindak am mansarui ra nagas.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.