MATIUS 27:51 - Tanou Moonsoi Timugon

⁵¹ Tabir ondo' pinatair ralalom Baloi Tuhan napiruo karilak intor ra rasawat suku' ra ragana'. Tana' ti nauyog am bulur batu nangapilang.

MATIUS 27:51 ပူးပေါင်းရင်းမြစ်များ

2 TUNUNG RU BANSA' ISRAIL 3:14

Tabir ru Lamin Matulai Kaga' no binaal intor ra konoon linon am konoon-konoon ra bokon ondo' batik no motomou, matanggilung am malia'; tabir no binungaan ra gambar-gambar ru kirub.

MAZMUR 18:15

Pabakison No panah Nano am kuliagayon No pantula' Nano; pasasakon No ganit no saboi ilo magiru'.

MAZMUR 18:7

Bulintok makakapaganan mampiau aku ra Tuhan; mampiau aku ri Aki Kapuuno' kuno koson makiindangan. Ralalom ru Baloi Nano rongogon No bolos kuno; talinaasin No pampiawan kuno.

KAINGKUALAN 40:21

Pabantaa' no Kaban no ralalom Kim ru Tuhan am patairo' tabir panili ra saang ru Kaban Nabantuan, koson ra nanusuban ru Tuhan riso.

JISAYA 25:7

Bulur ragitio, pusoon No nansalinut kapaganan ru guang ondo' masalok malimanan ru ngaangai bansa'.

IMAMAT 16:2

“Balai' i Arun, maayo muno, ra paat ra ondo' inaru' ayuk, mokoongoi io ra talikuron ru tabir, mongoi ralalom ru Lamin Matulai Kaga', sabap ra giu' no mintalang Aku ralalom ru gaun rasawat ru tataub ru Kaban Nabantuan. Amon ru manggal i Arun ra susuban raginio, matoi io.

IMAMAT 21:23

Kaa' sabap ra kalo matanda' batang ru inan nano, kalo makainggaar io ra tabir ondo' mapatuliar ra Lamin Matulai kapoam matong ra altar. Kalo majamalan no kuliamos ondo' patimpokon noyo Raki', sabap ra Aku noyo Tuhan am Aku noyo nampalili' ra kuliamos no Raki' ayuk.”

ABAKUK 3:10

Paat ra gunung-gunung makakito Rirun, ngaangai' no muyog; rasam rumatu' intor ra limbowon. Timug giu' ra ragana' ru tana' mompongoos am kinulun nano lumapos.

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

UNTABAN 4:5

Nanaak Tuhan ri Musa ra panuluan ragitio. Masaboi paat no ra maparulun ra kim, i Arun am anak-anak nano musiti' mumpos ralalom ru Kim ru Tuhan am mangalap ra tabir giu' ra saang ru Kaban Nabantuan. Musiti' nilo taubin Kaban Nabantuan ra tabir no.

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

MATIUS 28:2

Pulali' uyog tana' ti ra makalalaa' am sangulun malaikat timinuun intor ra suruga', nampaluir ra batu pinaangob ra lobong am panturung ra rasawat no.

MARKUS 15:38

Tabir panili ondo' pinatair ra Baloi Tuhan narilak kapiruo intor ra rasawat suku' ra gana'.

LUKAS 23:47

Kakito ru tingganai ru saujor atan ondo' nasauk i, pongompor io ri Aki Kapuuno', kono, “Motopot, ulun ti kolondo' sala!”

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

IBRANI 9:3

Am lamin ra ralalom ru kim no, ondo' sinilian ru tabir, ininggalanan ra Intok Matulai Kaga'.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.