MATIUS 27:41 - Tanou Moonsoi Timugon

⁴¹ Koson niayuk ra tingganai imam Jaudi, mangingila' ra Ukum ri Musa am tingganai ru ulun ru Jaudi magasab ri Jisus, konilo,

MATIUS 27:41 ပူးပေါင်းရင်းမြစ်များ

AYUP 13:9

Amon ru imumuyin kau ri Aki Kapuuno', makaalap Io kia ra moonsoi ra inan mino? Maruung min kia i Aki Kapuuno' koson ra akau mamparuung ra ulun?

MAZMUR 35:26

Polosoon noyo ulun ondo' maansayan magilong ra aku naimbolo' masauk ilo ra maubong am mauyu'. Polosoon noyo ulun lumimbau no pansagulian guang am mauyu'.

JISAYA 28:22

Guango' min pansawayan Kutu! Amon kalo guangon min, mapagon poyo akau lumabus. Norongog ku noyo namatasan ru Tuhan Raja' Ondo' Maayo Kaga' Kuasa' koson mamuso ra titikop pagun.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JAKARIA 11:8

Nakai' noyo orot kuno ra talu ngaulun magagalung ra bokon ondo' masisang raki'. Ginio ra pagiruon ku ilo ralalom buoi sansila'.

MATIUS 27:40

“Ragu Mu, ‘Lunsayon Ku Baloi Tuhan am baalon Ku saguli' buoi kataluan’! Amon ru Anak Kou ri Aki Kapuuno', ibayag no galama' am tuun ra salip no!”

MATIUS 27:42

“Ulun bokon bayagon no, kaa' Io galama' kalo maalap no! Sala' ka kia Io ti raja' ru ulun ru Israil? Amon ru raino ti tumuun Io ra salip ti mangintopot akai Riso.

LUKAS 18:32

Pataakin Io ra ulun sala' ka Jaudi. Asabin, iison am niayuk tiwagin Io.

LUKAS 22:52

Indagu boo i Jisus ra tingganai imam Jaudi, tingganai ru magagalung ra Baloi Tuhan am niayuk tingganai ru ulun ru Jaudi ondo' minongoi pamparakop Riso, indagu Io, “Ilain min ra Aku ti koson ra sangulun malaat kia ra mananggal kau ra ilang am pamalamba' koson mamparakop Raki'.

LUKAS 23:35

Ulun masuang ondo' soroi ra giu' i nonontong ayuk, liliwa' tingganai ru ulun ru Jaudi nangiis Riso, konilo, “Namayag Io ra ulun bokon, kaa' amon ru motopot ra Io no Mamamayag ondo' sinusub ri Aki Kapuuno', polosoon Io mibayag galama'!”