MATIUS 27:4 - Tanou Moonsoi Timugon

⁴ Kono, “Natulaan aku noyo sabap ra nampataak ra ulun kolondo' sala saboi inukum Io potoyo'!” Kaa' taam ilo, “Pai' ru akai, okou nambaal!”

MATIUS 27:4 ပူးပေါင်းရင်းမြစ်များ

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

2 RAJA'-RAJA' 24:4

mulu' poyo ra namatayan ra ngaangai' ru ulun ondo' kolondo' tula. Kalo makapangampun Tuhan ra Raja' Manasi sabap ra binaal nano.

AYUP 13:4

Tinauban min sambung min no ra ruung; koson kau ra duktur ondo' kolondo' onong.

AYUP 16:2

“Igondo' aku pokorongog ra ragu-ragu raginio; pangansukan ondo' taakin mino mangimbolo' ayuk.

MAZMUR 94:21

mampapakat ilo tumula' ra ulun moonsoi, am ukumin nilo potoyo' ulun ra kolondo' sala.

KAINGKUALAN 12:31

Rondom raginio niayuk, pampiau raja' ri Musa am i Arun am indagu, “Ugar noyo, akau am ngaangai' ulun ru Israil! Iruani' noyo pagun kutu! Ongoi noyo sambayang ra Tuhan mino, koson ra kinitaak mino.

KAINGKUALAN 9:27

Pampiau boo raja' ri Musa am i Arun am indagu, “Raino ti natulaan aku. Motopot toojo Tuhan no, aku am mamagun kuno makasala.

AMSAL 12:8

Ulun mapintar makaapu ra ompor; ulun sasambungon makaapu ra pagasaban.

JIRIMIA 26:15

Kaa' karaa' noyo, amon ru mamatoi kau raki', akau am mamagun ru bandar ti makatula sabap ra mamatoi ra ulun ondo' kolondo' sala. Nanusub Tuhan raki' koson mampakara' ramuyun.”

JUNUS 1:14

Ginio ra golok ilo ra Tuhan, “Iou Tuhan, kitaakon mai, pai' no pamuso ramon sabap mangalap ra painawo ru ulun ondo' kolondo' sala ramon. Iou Tuhan, Okou noyo ondo' makapandai ra ngaangai' baal ragitio; gitio noyo binaal Muno.”

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

LUKAS 23:22

Indagu i Pilatus risilo ra kaintalu, “Kaa' atan guat sala Nati? Kolondo' sala natuum kuno ondo' binaal ru ulun ti saboi sama' Io ukumin ra potoyon. Loposon Io ayuk am palabuson ku boo.”

LUKAS 23:41

Ukuman tati ragitio sama' pambabalos ru binaal tali, kaa' ulun ragitio kolondo' tupo sala!”

LUKAS 23:47

Kakito ru tingganai ru saujor atan ondo' nasauk i, pongompor io ri Aki Kapuuno', kono, “Motopot, ulun ti kolondo' sala!”

JUANIS 19:7

Taam ulun-ulun ru Jaudi no, “Sumugut ra ukum mai, Io ti musiti' ukumin ra potoyon sabap ra rokoon Nano ra Anak Io ri Aki Kapuuno'.”

RINALATAN 13:28

Kabalu' pana kolondo' natuum nilo ra atan ayuk sasaban koson ra Io ukumin ra potoyon, kaa' kitaako' nilo niayuk ri Pilatus ra io ti potoyon.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

1 TIMOTIUS 4:2

Pangilaan raginio posoboyon ru ulun maabau-abau, ondo' kalo makaliman ra makatula sabap ra kolondo' boo bolos ru guang nilai.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.

PINAINTALANG 11:10

Ngaangai' ilo no maansukan ra pinatayan ru ruo ngaulun sasi' no. Munsag ilo am magagator ilo ra tangguang ra rondo' am bokon, sabap ra ruo ngaulun nabi no nangimbolo' toojo ra ulun ru tana' ti.

1 SAMUIL 15:24

Korongog ragu-ragu no indagu Raja' Saul ri Samuil, “Topot makatula aku noyo ra maayo. Minanggal aku noyo ra susuban ru Tuhan am napalilian ra bilin muli. Malaa' aku ra ulun-ulun kuno, am iniou ku kinitaak nilo.

1 SAMUIL 15:30

Taam Raja' Saul, “Makatula aku noyo. Kaa' pangindangan no, baya' no raki' sumaguli' maa' raginio makasambayang aku ra Tuhan, i Aki Kapuuno' muno. Kon raginio ra okou mangurumat raki' ra saang ru tingganai-tingganai ru mamagun am ngaangai' ulun ru Israil.”

1 SAMUIL 19:5

Pinataak no painawo nano paat io namatoi ri Goliat, am nanaak Tuhan no ra kamanangan ondo' maayo ra Israil. Okou galama' nakatainu raginio, am naansukan kou paat ragili. Kua kia raino masaga' kou mangimbolo' ra sangulun ondo' kolondo' sala, am masaga' mamatoi ri Daut ra kolondo' sasaban?”