MATIUS 27:34 - Tanou Moonsoi Timugon

³⁴ Giu' no pinainum nilo i Jisus ra wain naratok ra tatapis ondo' mapait kaga'. Kaa' kakinami' no ayuk ginio, marara' Io boo manginum.

MATIUS 27:34 ပူးပေါင်းရင်းမြစ်များ

MAZMUR 69:21

Nagasaban nagibit ra guang kuno malawo, am liminungkang aku. Maguyum aku ra ulun ondo' maluoi pakaasi', kaa' kolondo' najampa' ku; maguyum aku ra ulun ondo' mangikang ra guang kuno, kaa' kolondo' natuum kuno.

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

MATIUS 27:48

Sangulun intor risilo no pasimbul ongoi pangalap ra busak ru karang ondo' kalo mokotog. Pososopo' no boo ra wain mataris, pasusuko' no ra sambanis tataun malumot ondo' maawar am pasuwo' no ri Jisus.

MARKUS 15:23

Giu' i, mangani' ilo Riso ra anggur naratok ra mur, kaa' kalo masaga' i Jisus manginum.

IBRANI 6:4

Itakau musiti' sumingkot, sabap ra ulun ondo' lumugut intor ri Kristus, kalo boo lair makatalikur saguli' Riso. Ilo ti nakatutun noyo ra pambalaan intor ri Aki Kapuuno', am nakaili' ilo no ra taak intor ra suruga' am poyo nakaapu am kinuasa' ilo ru Ambiluo ri Aki Kapuuno'.