MATIUS 27:31 - Tanou Moonsoi Timugon

³¹ Pakapagasab ilo ri Jisus, aluso' nilo sukub no am pasulungo' saguli' bayang galama' ri Jisus. Ibito' nilo boo i Jisus mingkual ra ongoyon salipo'.

MATIUS 27:31 ပူးပေါင်းရင်းမြစ်များ

1 RAJA'-RAJA' 21:10

Mopongo raginio susubo' ruo ngaulun malaat manturung mantaluma' ri Nabot am manguu' riso ra nagulas io ri Aki Kapuuno' am raja'. Mopongo raginio ibito' io mingkual ra bandar am bobolo' io saboi matoi.”

1 RAJA'-RAJA' 21:13

Ratong ruo ngaulun malaat no am turung ra taluma' ri Nabot. Nanguu' ilo ri Nabot ra saang ru ulun masuang ra nagulas io ri Aki Kapuuno' am raja'. Ginio ra inibit i Nabot miningkual ra bandar am binobol saboi minatoi.

JISAYA 53:7

Malaat kaga' pinamakuan riso, kaa' inorot no ayuk. Kalo sambangis pana ragu nano koson ra anak ru domba inibit ra panimbaluyan kapoam indung ru domba sinukur bulu nano.

UNTABAN 15:35

Indagu boo Tuhan ri Musa, “Ulun no musiti' ukumin ra matoi. Musiti' io ibiton ra liwar ru pangkiman am giu' no ngaangai' ulun musiti' momobol riso saboi matoi.”

MATIUS 20:19

Ilo ti magagasab Riso, mampalapos Riso am salipon nilo Io. Kaa' malupus kataluan, bayagon Io saguli'.”

MATIUS 21:39

Ginio ra rokopo' nilo io am ralaato' paingkualo' intor ra umo i, am potoyo'.”

MATIUS 26:2

“Koson raino nakapandai kau, ruo ngoorou poyo Pangiantakan ra Paska am Anak ru Ulun pataakin ra salipon!”

MARKUS 15:20

Kaasabi' nilo i Jisus, iruo' nilo sukub matanggilung i am pambayango' nilo ra bayang Nali galama'. Ibito' nilo boo i Jisus miningkual ra ongoyon salipo'.

JUANIS 19:16

Pupus i, pataaki' boo ri Pilatus i Jisus risilo koson salipon. Ginio ra ibito' ru saujor-saujor no i Jisus am ugar.

JUANIS 19:27

Indagu Io boo ra maamaya' no, “Rangan, pinakaina' mu ayuk io.” Intor ragili, ibito' ru maamaya' no ina' ri Jisus minayan ra baloi nano galama'.

RINALATAN 7:58

Ralaato' nilo io miningkual ra bandar i am bobolon io ra batu saboi matoi. Sasi' napabanta' ra sukub nilo ra tuma' ru kalayam ru sangulun tuu'-bagu makainggalan ri Saulus.

IBRANI 13:12

Ginio nai i Jisus pana minatoi giu' ra liwar ru bandar i, maa' raginio, mansail ra raraa' Nano galama' ondo' pinasasar makapamasau Io ra ulun intor ra tula.