MATIUS 27:3 - Tanou Moonsoi Timugon

³ Paat ri Judas, ondo' nampataak ri Jisus ra pantula' Nano, nakakito ri Jisus inukuman ra potoyon, pansagulian boo guang nano. Alapo' no boo ruit pirok no ongoyo' pasagulio' ra tingganai imam Jaudi am tingganai ru ulun ru Jaudi no.

MATIUS 27:3 ပူးပေါင်းရင်းမြစ်များ

AYUP 20:5

kaansukan ru ulun malaat kalo mabuoi; katasuan ru ulun malaat sangkuliop ayuk.

KAINGKUALAN 21:32

Amon ru mamatoi sapi' gawayan no ra sangulun ulipon ungkuyon kapoam sangulun ulipon ruandu', musiti' tatangan ra sapi' gawayan no mambayar ra tatangan ra ulipon no suang talu ngoopor ngampila' ruit pirok, am musiti' sapi' gawayan no potoyon bambangon ra batu.

JAKARIA 11:13

Indagu Tuhan raki', “Pasubolo' ruit no ra ralalom pambulian ra ruit ra Baloi ru Tuhan. Ginio ra nangalap aku talu ngoopor ngampila' ruit ru pirok no. Ginio ayuk nakilagaan nilo raki'. Aku pana nampasubol ra ruit no ra ralalom pambulian ra ruit ra Baloi ru Tuhan.

JUANIS 13:2

Nagagakan i Jisus am maamaya' Nano, am Tingganai ru riwato no minindagu ra guang ri Judas, anak ri Simon Iskariot, koson mampataak ri Jisus ra pantula' Nano.

JUANIS 13:27

Kaalap ayuk ri Judas ruti' i, subol bagu Tingganai ru riwato riso. Indagu boo i Jisus riso, “Baalo' noyo atan guangon muno ra mataki'!”

JUANIS 18:3

Ginio ra i Judas pana minongoi ra giu' i nababaya' ra santayaran saujor Roma am kukula' ngaulun pulis ru Baloi Tuhan, ondo' sinusub ru tingganai imam Jaudi am niayuk ulun-ulun ru Parisi. Ilo ti nagibit ra lentera am titiu am poyo ilang.

RINALATAN 1:18

Nambali i Judas ra sampila' tana' ra ruit ondo' naapu no intor ra kalaatan nali. Karatu' am patoi io ra giu' i, suku' tinai' nali naburiak am ngaangai' suang no nakaingkual.

2 KORINTUS 7:10

Sabap ra ngiluk ru guang koson raginio noyo magibit ra pangkulawan ru guang am pamayagan – am kalo pana pansagulian raginio. Kaa' guang mangiluk ondo' sumugut ayuk ra kasagaan ru ulun, mangkinibit ra kapatayan.