MATIUS 27:29 - Tanou Moonsoi Timugon

²⁹ Pambaal ilo boo rondo' karaun intor ra bulisang makaruui am pasampako' nilo ra ulu ri Jisus. Saujor-saujor no niayuk nangani' Riso rondo' tataun ra kalindu' pamiris Nano am igugulatur ra saang Nano am pagasab Riso, “Tabi', raja' ru ulun ru Jaudi!” konilo.

MATIUS 27:29 ပူးပေါင်းရင်းမြစ်များ

MAZMUR 69:7

Pai' aku polosoo' mapakauyu' ra ulun ondo' lumansan Rirun, iou Tuhan Raja' Ondo' Maayo Kaga' Kuasa'! Pai' aku polosoo' mapakauyu' ra ulun ondo' sumamba Rirun, iou Aki Kapuuno' ru ulun ru Israil!

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

JIRIMIA 20:7

Iou Tuhan, rinuung Mu aku, am naruung aku. Maikang Kou intor raki' am nangala raki'. Iniis aku ru moonong ulun, inasaban intor ra susuab ti saboi ra mamai'.

MATIUS 20:19

Ilo ti magagasab Riso, mampalapos Riso am salipon nilo Io. Kaa' malupus kataluan, bayagon Io saguli'.”

MATIUS 26:49

Pakasuku' ayuk i Judas parayus io ongoi uma' ri Jisus am indagu, “Kaansayan Rirun Mangingila'.” Io pana ganggol am alok ri Jisus.

MATIUS 27:37

Rasawat ru salip Nano pinolokot rondo' papan ondo' tinulisan ra, “Gitio noyo i Jisus, raja' ru ulun ru Jaudi.”

MARKUS 15:17

Pambayango' nilo i Jisus ra sukub matanggilung, am pambaal ra karaun intor ra bulisang ra makaruui am pasampako' ra ulu ri Jisus.

MARKUS 15:18

Kopongo ragili, tumalimpuun ilo manabi' ri Jisus, konilo, “Tabi', raja' ru ulun ru Jaudi!”