MATIUS 27:25 - Tanou Moonsoi Timugon

²⁵ Ngaangai' ru ulun no timinaam, “Polosoo' noyo akai am anak maino balasin ukumin sabap ra pinatayan Nano.”

MATIUS 27:25 ပူးပေါင်းရင်းမြစ်များ

2 SAMUIL 1:16

Kon ri Daut ra ulun ru Amalik no, “Gitio kasalaan muno galama'. Inukum matoi mu okou galama' sabap ra nangiou kou ra okou noyo ondo' namatoi ra raja' ondo' pinili' ru Tuhan.”

1 RAJA'-RAJA' 2:32

Mangukum Tuhan ri Joab sabap ra namatayan ondo' binaal nano ra kalo nakapandai Raja' Daut, ama' kuno. Namatoi i Joab ra ruo ngaulun ondo' kolondo' sala, ruo ngaulun moonsoi poyo intor riso: I Abnir panglima saujor ru Israil am i Amasa panglima saujor ru Jiuda.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

UNTABAN 35:33

Baal raginio mapajamol ra tana' intok ayanan mino. Pamatayan mapajamol ra tana' mino, am kolondo' ralan ra bokon ondo' makapasau ra tana' no ondo' ayuk am kapatayan ru ulun mamatoi no galama'.

MATIUS 21:44

Osoi ayuk maratu' am makaingku' ra batu raginio matutuk; am amon ru batu ti makatiu' ra sasangulun, io no ligison ru batu no saboi saukon ra kaau.]

RINALATAN 18:6

Kaa' ulun-ulun minanggal riso mabaya' ra ragu malaat. Ginio ra tingkabuli' ri Paulus jamol ru bayang nali koson mansawai risilo, kono, “Akau no galama' ra sala amon ru maluus kau. Kolondo' sala kuno ramuyun. Intor raino mongoi aku ayuk pampatanou ra ulun sala' ka Jaudi.”

RINALATAN 5:28

“Linolob takamin noyo ra pai' kau pangila' ra pangilaan ru ulun ragili. Kaa' ilai' boo binaal min! Nampatabual kau ra pangilaan min ra titikop ru Jirusalim ti, am nanguu' kau poyo ra akai no nangkinibit ra pinatayan ru ulun i.”

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

SAGULION 19:10

Baalo' ginio maa' raginio ulun kolondo' sala kalo matoi, am maa' raginio kalo makatula kau sabap namatoi ra ulun ondo' kolondo' sala giu' ra tana' ondo' pataakin ramuyun ru Tuhan i Aki Kapuuno' min.

SAGULION 19:13

Pai' pakaasi' ra ulun namatoi no. Palabuso' ulun ru Israil intor ra ulun namatoi no maa' raginio makakaansayan kau.”

JOSUA 2:19

Osoi intor risilo ondo' mingkual intor ra baloi ti, patayan nano sala' ka akai ra sala, ginio kasalaan nano galama'. Kaa' amon ru sasangulun ondo' soroi ra baloi mutu mapilatan, akai noyo ondo' mansaan ra kinibit no.