MATIUS 27:22 - Tanou Moonsoi Timugon

²² “Koson poyo raginio, atan kia baalon kuno ri Jisus ti ondo' sabiton i Kristus?” kon ri Pilatus risilo. “Salipo' Io,” kon ru ulun masuang no.

MATIUS 27:22 ပူးပေါင်းရင်းမြစ်များ

AYUP 31:31

Ngaangai' ulun ondo' mangandoi ra tayar kuno makapandai ra ulun ondo' kalo nauligan kuno, paakanon ku giu' ra baloi kuno.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JAKARIA 11:8

Nakai' noyo orot kuno ra talu ngaulun magagalung ra bokon ondo' masisang raki'. Ginio ra pagiruon ku ilo ralalom buoi sansila'.

MATIUS 1:16

i Jakub ama' ri Jusup, ralaki ri Maria. I Maria ti noyo naganak ri Jisus ondo' piawon ri Kristus.

MATIUS 27:17

Paat ra ulun masuang nantitimung, pangkuot i Pilatus risilo, “Osoi kia kasagaan min labusin kuno ramuyun? I Jisus Barabas kia, kapoam i Jisus ondo' sabiton i Kristus?”

MATIUS 27:21

Pangkuot i Pilatus risilo, “Osoi kia intor ra ruo ngaulun ti kitaakon min palabuson kuno ramuyun?” “I Barabas,” taam nilono.

MATIUS 27:23

Kon poyo i Pilatus, “Atan kia sala ondo' binaal Nati?” Ilo pana giminolok, “Salipo' Io.”

MARKUS 14:55

Tingganai imam Jaudi am ngaangai' Majlis Ugama mirot toojo maguyum ra kaintutunan ondo' mampasala ri Jisus maa' raginio maukuman nilo Io ra potoyon. Kaa' kolondo' rondo' naalap nilo.

JUANIS 4:25

Indagu ruandu' i ri Jisus, “Napandayan ku noyo matong Mamamayag ondo' sinusub ri Aki Kapuuno', ondo' niayuk sabiton ri Kristus. Paat ra Io matong, mambala' Io ritakau ra ngaangai' no.”

RINALATAN 13:28

Kabalu' pana kolondo' natuum nilo ra atan ayuk sasaban koson ra Io ukumin ra potoyon, kaa' kitaako' nilo niayuk ri Pilatus ra io ti potoyon.

RINALATAN 13:38

Ginio boo ra pabukat kau ngaangai', intutun kano toojo ra ralalom inggalan ri Jisus noyo tanou ti posoboyon ramuyun, koson ra tula mino maampun. Osoi ayuk mangintopot Riso makalabus intor ra ngaangai' tula ondo' kalo maalap kapuso ru Ukum ri Musa.