MATIUS 27:19 - Tanou Moonsoi Timugon

¹⁹ Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

MATIUS 27:19 ပူးပေါင်းရင်းမြစ်များ

KASAUKAN 31:11

Ralalom inupi kuno minindagu malaikat ri Aki Kapuuno' no raki', kono, ‘Jakub!’ Taam aku, ‘Iou.’

KASAUKAN 31:24

Rondom raginio, ratong i Aki Kapuuno' ralalom inupi ri Laban am indagu riso, “Ilalai', pai' babanyou raguon muno ri Jakub.”

KASAUKAN 31:29

Makakuasa' aku lumaat rirun, kaa' rondom i, napakara' i Aki Kapuuno' ru ama' muno raki' ra kalo babanyou raguon kuno rirun.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.

MATIUS 1:20

Paat ri Jusup nampaguang koson raginio naginupi io. Pulusat boo ru sangulun malaikat am indagu io ri Jusup, “O Jusup, papag ru raja' Daut, pai' no kalaa' manangandu' ri Maria ti, sabap anak nano intor ra kuasa' ru Ambiluo ri Aki Kapuuno'.

MATIUS 2:19

Kopongo raja' Irodis minatoi giu' ra pagun ru Israil, i Jusup ilo sambaloi lakat ayuk poyo soroi ra pagun ru Misir.

MATIUS 2:22

Pakaining i Jusup ra anak ungkuyon ru raja' Irodis, i Arkilaus nasauk ra raja' ru Judia, malaa' io muli' mayan ra tampilon ra giu'. Io ti am binalaan poyo paat ra io naginupi ra mongoi ra libung ru Galilia

MATIUS 27:18

Napandayan noyo ru gabenor ti ra mangusolon panguasa'-panguasa' ru ulun ru Jaudi am ginio sabap ra nampataak ilo ri Jisus riso.

MATIUS 27:24

Kalimani' ri Pilatus ra kolondo' onong io mingkotog mambaal raginio am ra ulun masuang maaru' lumunsai, alapo' no timug am bagui' no kalindu' nano am indagu, “Kolondo' tayar ku ra pinatayan Nano, akau ayuk ra kandoi.”

MATIUS 27:4

Kono, “Natulaan aku noyo sabap ra nampataak ra ulun kolondo' sala saboi inukum Io potoyo'!” Kaa' taam ilo, “Pai' ru akai, okou nambaal!”

LUKAS 23:41

Ukuman tati ragitio sama' pambabalos ru binaal tali, kaa' ulun ragitio kolondo' tupo sala!”

LUKAS 23:47

Kakito ru tingganai ru saujor atan ondo' nasauk i, pongompor io ri Aki Kapuuno', kono, “Motopot, ulun ti kolondo' sala!”

JUANIS 19:13

Korongog ri Pilatus ragu raginio, ibito' no i Jisus miningkual am panturung io giu' ra intok pamisaraan ininggalanan ra “Sulig Batu”. (Ralalom ragu ru Ibrani, inggalan no “Gabata”.)

RINALATAN 12:21

Sangarawan ragili ondo' inaru' no, nambayang i Irodis ti ra bayang ru raja' am panturung ra takhta am nangani' ra pambalaan ra ulun masuang.

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.

RINALATAN 18:16

Pagiruo' nilo boo i Galio mingkual intor ra giu' i.

RINALATAN 18:17

Kaa' rokopo' nilo boo i Sostinis, tingganai ru baloi sambayangan i, am lambaa' nilo io ra saang ru intok pamisaraan i. Kaa' pinoloso ayuk ri Galio.

RINALATAN 25:10

Taam i Paulus, “Gitio noyo Makama Kaisar Roma. Giti ayuk pana pamisaraan raki'. Okou galama' niayuk nakapandai ra kolondo' sala kuno ra ulun ru Jaudi.

RINALATAN 25:17

Pakaratong ilo ayuk ragiti, kalo naginaa aku mabuoi, kaa' suabon ragili niayuk panimung aku ra makama am panusub ra ulun no paumaan.

RINALATAN 25:6

Soroi i Pistus olo'-olo' balu' kapoam mopor ngoorou poyo ra Jirusalim am saguli' io boo ra Kaisaria. Iosuabon no, panturung io ra makama koson mangakim am i Paulus sinusub porotongo'.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.