MATIUS 27:18 - Tanou Moonsoi Timugon

¹⁸ Napandayan noyo ru gabenor ti ra mangusolon panguasa'-panguasa' ru ulun ru Jaudi am ginio sabap ra nampataak ilo ri Jisus riso.

MATIUS 27:18 ပူးပေါင်းရင်းမြစ်များ

KASAUKAN 37:11

Mangusolon pagaka'-pagaka' ri Jusup riso, kaa' magail ama' nano mampaguang ra ngaangai' no.

MAZMUR 106:16

Giu' ra tana' kaagisan no sumolon ilo ri Musa, am niayuk ri Arun, ulipon Nano ra matulai.

AMSAL 27:4

Sangit no malaat kaga' am niayuk makatutuk, kaa' kolondo' sangulun pana makatingkuang ra kaingatan.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

MATIUS 27:17

Paat ra ulun masuang nantitimung, pangkuot i Pilatus risilo, “Osoi kia kasagaan min labusin kuno ramuyun? I Jisus Barabas kia, kapoam i Jisus ondo' sabiton i Kristus?”

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

MARKUS 15:10

Napandayan ri Pilatus ra tingganai-tingganai imam Jaudi no nampataak ri Jisus riso sabap ra sumolon ilo.

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

RINALATAN 5:17

Tingganai Maayo Imam Jaudi am ngaangai' maamaya' nano, ondo' niayuk ulun ru Saduki, tumalimpuun gumuor sabap ra mangusolon ilo kaga' ra rasul-rasul.

RINALATAN 7:9

“Kaa' nangusolon boo kinamatuaan ru bansa' takali ri Jusup i. Ginio ra talano' nilo io ra pagun ru Misir koson saukon ra ulipon. Kaa' inindangan io ri Aki Kapuuno',

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”