MATIUS 27:12 - Tanou Moonsoi Timugon

¹² Kaa' kalo timinaam i Jisus ra atan ayuk panguwan ru tingganai-tingganai imam Jaudi am tingganai-tingganai ru ulun ru Jaudi.

MATIUS 27:12 ပူးပေါင်းရင်းမြစ်များ

JISAYA 53:7

Malaat kaga' pinamakuan riso, kaa' inorot no ayuk. Kalo sambangis pana ragu nano koson ra anak ru domba inibit ra panimbaluyan kapoam indung ru domba sinukur bulu nano.

MATIUS 26:63

Nongkoror ayuk i Jisus. Igondo' poyo Tingganai Maayo Imam Jaudi ti mangkuot Riso, “Ralalom inggalan ri Aki Kapuuno' ondo' naayag, balai' akai, Okou kia Mamamayag ondo' sinusub ri Aki Kapuuno', ioginio Anak ri Aki Kapuuno'?”

MATIUS 27:13

Ginio ra i Pilatus mindagu Riso, “Kalo kia norongog Mu ragu panguwan nilono Rirun?”

MATIUS 27:14

Kaa' kalo timinaam i Jisus ra rondo' pana ragu, saboi gabenor no nangimuag.

LUKAS 23:9

Ginio ra masuang pangkuatan ri Irodis Riso, kaa' kalo tinaam No.

RINALATAN 8:32

Gitio noyo ondo' binasa' nali, ioginio: “Koson Io ra domba ondo' potoyon; koson ra anak domba mongkoror paat ra lamparin ra bulu; koson niayuk Riso, kalo minindagu Io.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.