MATIUS 27:1 - Tanou Moonsoi Timugon

¹ Paat ra tumawang ngaangai' tingganai imam Jaudi am tingganai ru ulun ru Jaudi namatas ra mamatoi ri Jisus.

MATIUS 27:1 ပူးပေါင်းရင်းမြစ်များ

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

MAZMUR 31:13

Linilianan aku no koson ra minatoi aku no; aku ti koson ra ginsamol.

MAZMUR 71:10

Pantula' kuno mampatoi raki'; maguguum ilo am mampapakat gumula' raki'.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MARKUS 15:1

Ra iosuabon, tingganai imam Jaudi, tingganai ru ulun ru Jaudi, mangingila' ra Ukum ri Musa am ulun Majlis Ugama ra bokon, nagindibok nansusunur. Rantayo' nilo i Jisus, paumaa' am pataaki' nilo Io ra gabenor Pilatus.

LUKAS 13:1

Paat ragili mokoondo' kukula' ngaulun ra giu' i nambala' ri Jisus ra saujor ru gabenor Pilatus namatoi ra kukula' ngaulun intor ra Galilia, paat ra ilo nangani' ra taak nilo ri Aki Kapuuno'.

LUKAS 22:66

Io suabon, tingganai ru ulun ru Jaudi, tingganai imam Jaudi am mangingila' ra ukum ri Musa no timinimung ra Majlis Ugama, am paumaa' boo i Jisus risilo.

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

RINALATAN 5:21

Rasul-rasul no giminagaya' ra bilin ru malaikat i. Riminondom ilo minongoi ra Baloi Tuhan no am timinalimpuun ilo mangila'. Tingganai Maayo Imam Jaudi am maamaya' nano nampiau ra ngaangai' tingganai ru ulun ru Jaudi matong ra miting ru Majlis Ugama. Panusub ilo boo koson ibiton rasul-rasul no intor ra lamin pangaputan paumaan risilo.

TINGGANAI RU BANSA' 16:2

Norongog ru mamagun ru Gaja ra soroi i Simson ra giu' no. Ginio ra inawangan nilo intok raginio am naginaa riso giu' ra kulobon garabang ru bandar ra nosorondom. Kaa' kalo makapambaal ilo ra atan-atan sabap ra mangkara' ilo, “Paat makasirang mato ru orou ra maagu no, bagu no potoyon takau io.”

1 SAMUIL 19:11

Rondom raginio niayuk, nanusub Raja' Saul ra kukula' ngaulun minongoi ra baloi ri Daut koson mansigo ri Daut, am mamatoi riso ra tampilon ra susuab no. Kaa' i Mikgal, andu' ri Daut, nambala' riso, “Amon ru kalo magiru' kou ra rondom no niayuk, susuab no maaru' potoyon kou.”