MATIUS 26:65 - Tanou Moonsoi Timugon

⁶⁵ Tingganai Maayo Imam Jaudi ti pana namparilak ra bayang nali galama' am indagu, “Nagasab Io ri Aki Kapuuno'! Raino kalo pana maguyum takau ra sasi'. Akau ngai' nakaining atan rinagu Nani, ra magasab ri Aki Kapuuno'.

MATIUS 26:65 ပူးပေါင်းရင်းမြစ်များ

2 RAJA'-RAJA' 18:37

I Iliakim, i Sibna am i Joa pana namparilak boo ra bayang nilo sabap ra mangiluk. Pinabala' nilo ragu-ragu ru pagawai ru Asyur no ra Raja' Gijkia.

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

IMAMAT 21:20

ulun ondo' bakuung kapoam taguguo'; ulun makamaruol ra mato kapoam makamaruol ra kungkung, am ulun ondo' inintalian.

UNTABAN 14:6

Ruo ngaulun intor ra ulun pansigo no, i Josua anak ri Nun am i Kalib anak ri Jipuni, naparilak ra bayang nilo ra tayar ru tatandu' mangiluk guang.

MATIUS 9:3

Kukula' ngaulun mangingila' ra Ukum ri Musa mindagu ra ralalom ru guang nilo, “Ulun ragitio magasab ri Aki Kapuuno'!”

LUKAS 5:21

Kaa' mangingila' ra Ukum ri Musa am ulun-ulun ru Parisi nansusunur ra rondo' am bokon, “Osoi ulun ragitio ondo' makakau' magasab ri Aki Kapuuno'? Osoi mangampun ra tula kaa' i Aki Kapuuno' ayuk galama'?”

JUANIS 10:33

Taam ru ulun ru Jaudi no, “Sala' ka binaal Muno ra moonsoi pamabalan mai Rirun, kaa' sabap ra nagasab Kou tupo ri Aki Kapuuno'. Okou ti ulun ayuk, kaa' makimogondo' Kou boo ri Aki Kapuuno'.”

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

RINALATAN 14:14

Paat ri Barnabas am i Paulus nokorongog ra kasagaan nilai, rilako' nilo bayang nilai am pasimbul ilo ra tatanga' ru ulun masuang am pompogolok,