MATIUS 26:63 - Tanou Moonsoi Timugon

⁶³ Nongkoror ayuk i Jisus. Igondo' poyo Tingganai Maayo Imam Jaudi ti mangkuot Riso, “Ralalom inggalan ri Aki Kapuuno' ondo' naayag, balai' akai, Okou kia Mamamayag ondo' sinusub ri Aki Kapuuno', ioginio Anak ri Aki Kapuuno'?”

MATIUS 26:63 ပူးပေါင်းရင်းမြစ်များ

1 RAJA'-RAJA' 22:16

Kaa' indagu Raja' Agab, “Amon ru mindagu kou raki' ralalom inggalan ru Tuhan, indagu no ra motopot. Ingkula' aku musiti' mapakara' rirun ra baal ragitio?”

2 TUNUNG RU BANSA' ISRAIL 18:15

Kaa' indagu Raja' Agab, “Amon ru mindagu kou raki' ralalom inggalan ru Tuhan, raguo' ra motopot. Ingkula' aku musiti' mampakara' rirun ra baal ragitio?”

MAZMUR 42:2

Koson ra tambang moondom ra timug ru sungoi, koson niayuk ra salibuor kuno moondom Rirun, iou Aki Kapuuno'.

AMSAL 29:24

Ulun ondo' kumubayau ra mantatakou arati' no masisang io ra inan galama'. Amon ru akunin no giu' ra makama, ukumin io; amon ru kalo akunin no, ulason io ri Aki Kapuuno'.

JISAYA 53:7

Malaat kaga' pinamakuan riso, kaa' inorot no ayuk. Kalo sambangis pana ragu nano koson ra anak ru domba inibit ra panimbaluyan kapoam indung ru domba sinukur bulu nano.

DANIL 3:16

Taam i Sadrak, Misak am i Abidnigo, “Okou raja', kalo kuminam akai magisaung ra inan.

IMAMAT 5:1

Taak simbalui koson mangampun ra tula gogoton pataakon ra tayar ru baal ragitio: Amon ru sasangulun no napatas noyo kitaakon mangani' ra inono' giu' ra makama, kaa' kalo nangani' ra pambalaan ra ondo' nakito nano noyo kapoam naining nano, am musiti' io mansaan ra kinibit no.

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

MATIUS 26:62

Tingganai Maayo Imam Jaudi pana minigor am indagu ri Jisus, “Kolondo' kia pataamon Muno ra manguu' rirun raginio?”

MATIUS 27:12

Kaa' kalo timinaam i Jisus ra atan ayuk panguwan ru tingganai-tingganai imam Jaudi am tingganai-tingganai ru ulun ru Jaudi.

MATIUS 27:14

Kaa' kalo timinaam i Jisus ra rondo' pana ragu, saboi gabenor no nangimuag.

MATIUS 27:40

“Ragu Mu, ‘Lunsayon Ku Baloi Tuhan am baalon Ku saguli' buoi kataluan’! Amon ru Anak Kou ri Aki Kapuuno', ibayag no galama' am tuun ra salip no!”

MATIUS 27:43

Io ti malansan ri Aki Kapuuno' am rokoon no, ‘Anak Aku ri Aki Kapuuno'’. Moonsoi ilai' takau bayagon Io nua' ri Aki Kapuuno' raino.”

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

MARKUS 14:61

Nongkoror ayuk i Jisus am kalo tinaam No. Kuati' poyo ru Tingganai Maayo Imam Jaudi i, “Okou kia Mamamayag ondo' sinusub i, Anak ri Aki Kapuuno' Ondo' Matulai Kaga' i?”

JUANIS 1:34

Aku galama' nakakito ra nasauk ti, ginio ra mampaintutun aku toojo ramuyun: Gitio noyo Anak ri Aki Kapuuno'.”

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 10:24

Ginio ra tingganai ru ulun ru Jaudi liminimpu ri Jisus, indagu ilo Riso, “Kula' poyo buoi ru kaimamangan mai ti? Pambala' no toojo ramon; motopot kia ra Okou no Mamamayag ondo' sinusub ri Aki Kapuuno'?”

JUANIS 10:30

Aku am i Ama' no rondo' ayuk.”

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

JUANIS 19:7

Taam ulun-ulun ru Jaudi no, “Sumugut ra ukum mai, Io ti musiti' ukumin ra potoyon sabap ra rokoon Nano ra Anak Io ri Aki Kapuuno'.”

JUANIS 19:9

Subol io boo saguli' ra istana i am pangkuot ri Jisus, “Ati intor Mu?” Kaa' nongkoror ayuk i Jisus.

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 6:69

Raino mangintopot akai toojo ra Okou no Matulai ondo' sinusub ri Aki Kapuuno'.”

JUANIS 8:25

Ginio ra kuati' nilo poyo, “Osoi Kou guat?” Taam i Jisus, “Intor poyo ra talimpuun i, nambala' Aku no ramuyun!

2 KORINTUS 1:19

Sabap ri Jisus Kristus, Anak ri Aki Kapuuno', ondo' pinatanou mai ramuyun, ioginio aku, i Silas am i Timotius, kalo noyo makulau ra “Iou” am “Kalo”. Kaa' sotopot no Io no taaman “Iou” intor ri Aki Kapuuno'.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.

1 SAMUIL 14:24

Paat orou raginio mangalawo ulun ru Israil ra nangaitilan sabap ra Raja' Saul nagibot koson ragitio, “Kaulas noyo ulun ondo' mangakan ra atan pana ra orou raiti', ra kalo poyo mansuli' aku ra pantula'.” Ginio ra kolondo' sangulun pana ondo' nangakan buoi ru orou raginio.

1 SAMUIL 14:26

kaa' kolondo' sangulun pana ondo' nangakan ra ruu' maningot no. Malaa' ilo matiu' ra ulas ondo' rinagu ru Raja' Saul.

1 SAMUIL 14:28

Kopongo raginio indagu sangulun intor ra saujor no riso, “Akai ngaangai' kalo boo makalulu' ra naitilan. Kaa' nopololob i ama' muno ramon am minindagu, ‘Kaulas noyo ulun ondo' mangakan ra atan pana ra orou raiti'.’ ”