MATIUS 26:56 - Tanou Moonsoi Timugon

⁵⁶ Kaa' ngaangai' baal ragitio maaru' masauk koson mampainono' ondo' tinulisan ru nabi-nabi ra Buuk Kitab.” Ngaangai' maamaya' Nano pana nagiru' boo nangiruan ri Jisus.

MATIUS 26:56 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

JISAYA 44:26

Kaa' bulintok ra ulipon Kuno manala', paat ra aku manusub ra ulipon Kuno mapabala' ra inatangan Kuno, baalon Ku panalaan am pangatangan no. Mindagu Aku ra Jirusalim no ayanin saguli' am bandar-bandar ru Jiuda baalon saguli', Bandar-bandar no tumirong intor ra napuutan.

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

MATIUS 21:42

Indagu i Jisus risilo, “Kalo poyo kia igondo' kau nakabasa' ra atan tinulisan ra Buuk Kitab? ‘Batu ondo' kinara' ru ulun-ulun manambaloi ra kolondo' onong nasauk ra batu maatang kaga'. Gitio noyo binaal ru Tuhan; mumpara' boo bonsoi no!’ ”

MATIUS 26:24

Anak ru Ulun matoi koson ra tinulisan ra Buuk Kitab. Kaa' mumpara' boo lalaat ra ulun ondo' mampataak ra Anak ru Ulun! Mulu' bonsoi ru ulun no ra kalo inanak!”

MATIUS 26:31

I Jisus pana indagu boo ra maamaya'-maamaya' Nano, “Rondom raiti' niayuk magiru' am manatang kau Raki'. Sabap ra tinulisan noyo ra Buuk Kitab ra, ‘Potoyon Ku magagalung no am sampanon ru domba no mantutuliar boo.’

MATIUS 26:54

Kaa' amon ru koson raginio, ati koson masauk ondo' tinulisan ra Buuk Kitab, kono, baal ragitio musiti' pasaukon.”

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

RINALATAN 1:16

“Pabukat kau ngaangai'! Atan ondo' tinulisan ra Buuk Kitab no, maaru' masauk. Ragili Ambiluo ri Aki Kapuuno' nambala' noyo mansail ra ragu ru raja' Daut intor ri Judas ti, ra io nanulu' ra ulun mamparakop ri Jisus.

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

2 TIMOTIUS 4:16

Paat ra aku binisara' ra kasaa' i, kolondo' sangulun kon pana nangindangan raki'. Ngaangai' boo nangiruan raki'. Gama' ru i Aki Kapuuno' kalo noyo mampakasala risilo ra baal ragitio.