MATIUS 26:53 - Tanou Moonsoi Timugon

⁵³ Kalo kia nakapandai kou ra amon ru makiindangan Aku ayuk ri Ama' Kuno, mangator Io masuang poyo intor ra mopor am ruo ngampulalai malaikat ondo' riribu suang nilo.

MATIUS 26:53 ပူးပေါင်းရင်းမြစ်များ

2 RAJA'-RAJA' 6:17

I Ilisa pana pakiasi' boo, “Iou Tuhan, poloromo' mato ru ulipon kutu maa' raginio makakito io!” Nangiou Tuhan ra pakiasian nano. Ulipon ri Ilisa no nagilong am nakakito ra bulur no nososok ra kuda am kurita' kuda makaapui giu' ra libung ri Ilisa.

DANIL 7:10

am apui tumilis intor ra kurisi' ru raja' Nano. Riribu ulun soroi ra giu' no koson mangandoi ayuk Riso, am jujuta' ulun minigor ra saang Nano. Kopongo raginio makama ru pangakiman manalimpuun ra pamisaraan, am kitab-kitab inukab.

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MATIUS 4:11

Tingganai ru riwato no pana nangiruan boo ri Jisus am pulusat boo ru malaikat-malaikat matong pangindangan Riso.

MARKUS 5:15

Uma' ilo ri Jisus am nakito nilo ulun sinubol ru riwato i. Ulun no nanturung, nakapambayang am matanda' boo, am mangalaa' boo ngaangai' ulun.

MARKUS 5:9

Pangkuot boo i Jisus riso, “Osoi inggalan mutu?” Taam ulun no, “Inggalan kutu ‘i Ligion’, sabap ra akai ti masuang.”

LUKAS 8:30

Kuati' ri Jisus riwato no, “Osoi inggalan muno?” Taam io, “I Ligion,” sabap ra masuang kaga' riwato siminubol riso.

JUANIS 10:18

Kolondo' sangulun pana makapamatoi Raki' amon ru kalo iowon Ku. Maya' ra kasagaan Kuno galama' mampataak Aku ra painawo Kuno. Makakuasa' Aku mampataak ra painawo Kuno am maayag saguli'. Ginio noyo nanusuban Raki' ru Ama' Kuno.”

JUANIS 18:36

Kon ri Jisus, “Pamarintaan Kuno sala' ka giti ra tana' ti. Amon ru giti ra tana' ti, maaru' maamaya' Kuno manggal, maa' raginio kalo pataakin Aku ra tingganai ru Jaudi no. Kaa' sotopot no pamarintaan Kuno sala' ka giti ra tana' ti.”

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

JUDAS 1:14

I Ginok, papag ri Adam ra katulu', ondo' ra galing i noyo nanala' raginio intor risilo, kono, “Ilai' noyo, makito Tuhan matong mabaya' ra kukula' ngaribu malaikat Nano.