MATIUS 26:45 - Tanou Moonsoi Timugon

⁴⁵ Saguli' poyo i Jisus ra maamaya'-maamaya' Nano am indagu, “Lakat kapo kia mombolong am tumangus? Ilai' min! Nasuku' noyo paat ra Anak ru Ulun ti pataakin ra kuasa' ra ulun makatula.

MATIUS 26:45 ပူးပေါင်းရင်းမြစ်များ

1 RAJA'-RAJA' 18:27

Paat ra tanga' ru orou, tumalimpuun i Ilia magasab-gasab risilo, kono, “Pakiasi' ra mosongou poyo! Baal tuhan alia ginio! Maaru' lair tatanga' io magilampuang kapoam minongoi ra jamban. Maaru' lair niayuk tatanga' io minongoi ra intok ra bokon! Kapoam maaru' lair niayuk tatanga' io nombolong, am musiti' kau mangkarat riso!”

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MATIUS 26:18

Taam i Jisus, “Ongoi uma' ra sangulun giu' ra bandar am balai', ‘Kon ru mangingila'; Orou Kuno nasuku' noyo, Aku am maamaya'-maamaya' Kuno masaga' mangiantak ra Orou Paska ra baloi muno.’ ”

MATIUS 26:2

“Koson raino nakapandai kau, ruo ngoorou poyo Pangiantakan ra Paska am Anak ru Ulun pataakin ra salipon!”

MATIUS 26:44

Igondo' poyo i Jisus mininggalur risilo am ongoi pakiasi' poyo ra kaintalu am nogondo' ayuk pakiasian no ra pagulu ni.

MATIUS 26:46

Karat kano, mugar takau! Ilai' min! Io ondo' mampataak Raki' nakaratong noyo!”

MARKUS 14:35

Ongoi i Jisus ra maalur koborok i am kubu Io ra tana' am pakiasi'. Nakitaak Io amon ru maalap ayuk, pasailon Io ra orou kaimbalaan no.

LUKAS 22:53

Moonong orou soroi Aku giu' ra Baloi Tuhan mabaya' ramuyun am kalo rinakop min Aku. Kaa' gitio noyo kaluagan min, paat ra kuasa' ru molondom mamarinta.”

JUANIS 12:23

Indagu i Jisus risilo, “Nasuku' noyo orou ra Anak ru Ulun katulayon.

JUANIS 12:27

“Maimamang Aku raino. Atan nua' raguon Kutu? Raguon Ku kia, ‘Ama', pai' Aku paintumaa' ragitio’? Kalo, gitio ra aku minatong, koson makaili' aku ra kaimbalaan ti.

JUANIS 13:1

Songorou poyo am tumalimpuun Pangiantakan ra Paska. Nakapandai i Jisus ra masaboi noyo paat Nano mangiruan ra tana' ti sumaguli' ra Ama' Nano. Masalok Io monogom ra maamaya' Nano, am tinagaman No ilo saboi ra pupus.

JUANIS 17:1

Kopongo i Jisus minindagu raginio, pantingaa' Io ra limbowon am indagu, “Ama', raino nasuku' noyo paat ra ondo' inaru' no. Katulayo' Anak Mutu, maa' raginio Anak mampatulai Rirun.