MATIUS 26:41 - Tanou Moonsoi Timugon

⁴¹ Ilalai' min am pakiasi' kau koson kalo maratu' kau ra pangkinaman. Sotopot no, ambiluo mino masaga' mambaal ra motopot kaa' kalo magagaya' min sabap ra paliso ru ulun malawo.”

MATIUS 26:41 ပူးပေါင်းရင်းမြစ်များ

MAZMUR 119:1

Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

MAZMUR 119:115

Akau ulun malaat, inggalur kau raki'. Gumagaya' aku ra panusuban ri Aki Kapuuno' kuno.

MAZMUR 119:117

Indangano' aku no, am maayag aku, am masalok mampaguang ra panusuban Muno.

MAZMUR 119:32

Maansayan aku gumagaya' ra panusuban Muno, sabap ra sinauk Mu aku makarati' toojo.

MATIUS 24:42

Ilalai' min, sabap ra kalo napandayan orou ra atan Tuhan mino rumatong.

MATIUS 25:13

Pupusi' boo ri Jisus abig ragitio ra; “Kaa' akau, ilalai', sabap ra kalo napandayan min orou kapoam paat ratangan ru Anak ru Ulun no!”

MATIUS 26:38

Indagu boo i Jisus ra maamaya'-maamaya' Nano, “Mangiluk kaga' guang Kutu, koson matoi pamalimanan Kuno. Paginaa kano ragiti am pai' kau pombolong.”

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

MARKUS 14:38

Indagu boo i Jisus risilo, “Ilalai' min am pakiasi' kau koson kalo maratu' kau ra pangkinaman. Sotopot no, ambiluo mino masaga' mambaal ra motopot kaa' kalo gumagaya' kau sabap ra paliso ru ulun malawo.”

LUKAS 11:4

Ampuno' noyo tula mai sabap ra akai pana mangampun ra moonong ulun ondo' makatula ramon. Am palabuso' akai no ra pangkinaman.’ ”

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

LUKAS 22:40

Pakasuku' ra giu' i, indagu i Jisus risilo, “Pakiasi' kano maa' raginio makainggalur kau intor ra pangkinaman.”

LUKAS 22:46

Indagu i Jisus risilo, “Kua pombolong kau? Karat kano am pakiasi', maa' raginio makainggalur kau intor ra pangkinaman.”

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.

1 KORINTUS 16:13

Pagilalai' am pangintopot kano toojo, baani am mikang kau.

1 KORINTUS 9:27

Intor raginio, pantataanin ku kaayagan kutu suku' manguasa' aku ra ngaangai' kinibit no. Binaal ku ginio sabap ra malaa' aku ra kabalu' pana aku mangkimait ra bokon maya' ra pagigilayan ti, kaa' pupus aku piboo impayin.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

PINAINTALANG 16:15

“Rongogo' min! Aku matong koson ra sangulun mantatakou. Pakaansuk noyo ulun ondo' kalo mombolong am ondo' magalung ra bayang nano. Pagilalain no saboi kalo magibaang io am mauyu' ra saang ru ulun.”

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.