MATIUS 26:38 - Tanou Moonsoi Timugon

³⁸ Indagu boo i Jisus ra maamaya'-maamaya' Nano, “Mangiluk kaga' guang Kutu, koson matoi pamalimanan Kuno. Paginaa kano ragiti am pai' kau pombolong.”

MATIUS 26:38 ပူးပေါင်းရင်းမြစ်များ

MAZMUR 116:3

Kapatayan liminibung raki'; am lobong ra makalalaa' liminiput raki'; malaa' aku kaga' am magalabo.

MAZMUR 42:5

Makuliagai guang kuno amon karaan orou ra nakasail, bulintok ra aku nakapasumbaya' ra ulun masuang minongoi ra Baloi ru Tuhan, am minugar aku ra siminigulu risilo, magilakup am marimbai ra rimbai mongompor.

RIMBAI PANGAMPARAN 5:3

Bayang kuno inalus ku noyo; kua kinua' sulungi' ku saguli'? Kalayam kuno pana binaguan ku noyo; kua kinua' jamali' ku poyo?

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

JISAYA 53:12

Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

MATIUS 25:13

Pupusi' boo ri Jisus abig ragitio ra; “Kaa' akau, ilalai', sabap ra kalo napandayan min orou kapoam paat ratangan ru Anak ru Ulun no!”

MARKUS 14:34

“Mangiluk kaga' guang Kutu, koson matoi pampalimanan Kuno. Paginaa kau ragiti am pai' kau pombolong,” ragu Nano ra katalu ngaulun pinaaya' Nali.

JUANIS 12:27

“Maimamang Aku raino. Atan nua' raguon Kutu? Raguon Ku kia, ‘Ama', pai' Aku paintumaa' ragitio’? Kalo, gitio ra aku minatong, koson makaili' aku ra kaimbalaan ti.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.