MATIUS 26:35 - Tanou Moonsoi Timugon

³⁵ Taam i Pitrus, “Ati kulaan mindagu aku ra kalo nakaulig Rirun? Matoi aku pana marumar ayuk Rirun.” Ngaangai' maamaya' ra bokon pana minindagu koson ragino.

MATIUS 26:35 ပူးပေါင်းရင်းမြစ်များ

KAINGKUALAN 19:8

Taam ngaangai' ulun no ra nagagampan, “Baalon mai ngaangai' ondo' rinagu ru Tuhan.” Pabalaa' ri Musa baal ragitio ra Tuhan.

AMSAL 28:14

Pakaansuk noyo ulun ondo' gumagaya' ra Tuhan, kaa' ulun mokotog ulu iono pusoon.

AMSAL 29:23

Malilimbau mangkinibit ra karatuan, kaa' sangulun ondo' minggana' guang urumaton io.

MATIUS 10:33

Kaa' osoi ayuk magali' ra saang ru ulun ra io maamaya' Raki', Aku pana magali' riso ra saang ru Ama' Kuno giu' ra suruga'.”

JUANIS 13:37

Pangkuot poyo i Pitrus, “Tuhan, kua pai' aku pakaaya' raino? Nakatampos aku noyo mampataak ra painawo kuno koson Okou.”

ROMA 11:20

Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

1 KORINTUS 10:12

Pagilalai' noyo ulun ondo' indos no maikang pangintapatan nano maa' raginio kalo boo maratu' io.

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.