MATIUS 26:27 - Tanou Moonsoi Timugon

²⁷ Alapo' No boo sangkir am pakiasi' ra paringkuanangan ri Aki Kapuuno', am pataaki' No sangkir i ra maamaya'-maamaya' Nano am indagu, “Panginum kano ngai' ragitio.

MATIUS 26:27 ပူးပေါင်းရင်းမြစ်များ

MAZMUR 116:13

Pataakon kuno wain koson ra taak kuno ra Tuhan, koson paringkuanangan kuno Riso sabap ra Io namayag raki'.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

RIMBAI PANGAMPARAN 7:9

am kabang muno koson ra owou ru wain ondo' maamis kaga' owou. Koon poyo raginio, polosoon noyo wain no tumilis ra ambai kuno, ra kalo maputat-putat, tumilis ra bibil am ripon nano.

JISAYA 25:6

Giti ra Bulur Sion, Tuhan Ondo' Maayo' Kaga' Kuasa' mangatang ra pagakanan maayo koson mampaakan ra ngaangai' bansa' ra tana' ti. Pasulungon No akanon ra mangaamis am wain ra pinili'.

JISAYA 55:1

Mindagu Tuhan, “Ibok kano ngaangai' ondo' pinaason, inum kano ra timug pinasulung. Ratong kano ondo' kolondo' ruit, apuo' noyo gandum kalo kilagain, am akano' noyo! Anggur am gatas pinasulung, apuo' ayuk ra kalo kilagain.

MATIUS 15:36

Alapo' No tulu' ngampila' ruti' am papait no, am indagu ra paringkuanangan ri Aki Kapuuno', am tatayaro' boo akanon no am pataako' No ra maamaya'-maamaya' Nano, am tatayaro' ru maamaya' Nano ra ulun masuang no.

MATIUS 26:26

Tatanga' ilo nangakan, alapo' ri Jisus sampila' ruti' am pakiasi' ra paringkuanangan, am pipilango' No ruti' i. Tatayaro' No ra maamaya'-maamaya' Nano am indagu, “Alapo' am akano', gitio noyo inan Kutu.”

MATIUS 26:28

Sabap ra gitio noyo raraa' Kutu ondo' mampainono' ra nabantuan ri Aki Kapuuno', ioginio raraa' Kuno ondo' pasasaron, maa' raginio tula ru masuang ulun ampunon.

LUKAS 22:20

Koson niayuk raginii, kopongo ilo nangakan, pataako' No sangkir i risilo liliwa' minindagu, “Sangkir ragitio nabantuan bagu ri Aki Kapuuno', saukon ralalom ru raraa' Kuno, ondo' pasasaron ramuyun.

1 KORINTUS 10:16

Paat ra itakau manginum ra anggur no, maringkuanang takau ri Aki Kapuuno'; paat ra itakau manginum no, makapagagapu takau ra raraa' ri Kristus. Nogondo' niayuk ra ruti' ondo' pipilangon takano ra itakau mangakan, makapagagapu takau ra inan ri Kristus.

1 KORINTUS 11:28

Ginio ra moonong ulun musiti' galing mangimumui ra baal ru guang nano galama', bagu no makaakan ra ruti' am makainum intor ra sangkir no.