MATIUS 26:10 - Tanou Moonsoi Timugon

¹⁰ Nakapandai i Jisus ra atan rinagu ru maamaya' Nano, am indagu Io boo risilo, “Kua sangit kau ra ruandu' ti? Ondo' binaal nati Raki' moonsoi kaga'.

MATIUS 26:10 ပူးပေါင်းရင်းမြစ်များ

NIGIMIA 2:18

Tunungo' ku boo ati kulaan i Aki Kapuuno' mabaya' am mangindangan raki', am atan ondo' rinagu ru raja' raki'. Taam ilo, “Ibok kano talimpuun takau mambaal!” Kopongo raginio tampos ilo koson manalimpuun ra kandoi no.

AYUP 13:7

Maalap kia ra sabap ri Aki Kapuuno', magabau kau? Maalap kia ra magabau kau sabap ra kaatangan Nano?

MATIUS 26:11

Ulun musikin masalok mabaya' ramuyun, kaa' Aku kalo mantilayun mabaya' ramuyun.

MATIUS 26:9

“Umau raginio maalap katalan ra mologo kaga' am ruit no tatayaron ra ulun musikin!”

MARKUS 14:6

Kaa' indagu i Jisus, “Polosoo' min io no. Kua sangit kau riso? Nambaal io ra kandoi moonsoi Raki'.

LUKAS 8:49

Paat ri Jisus lakat ayuk poyo mindagu, mokoondo' sangulun minatong intor ra baloi ri Jairus. Indagu io ri Jairus, “Tuan, anak muno minatoi noyo. Pai' noyo pantipagon ra Mangingila' no.”

2 KORINTUS 9:8

Kalo lumonggo' i Aki Kapuuno' mambarakat ramuyun, maa' raginio akau galama' masalok maukapan am malabaan kau niayuk koson makapangani' ra osoi ayuk makakaatangan raginio.

GALATIA 1:7

Sotopot no, kolondo' “tanou moonsoi ra bokon”. Kaa' mokoondo' ulun ondo' mampajajou ramuyun, koson mangkinam pangulau ra Tanou Moonsoi ri Kristus no.

GALATIA 5:12

Malansan aku ra ulun ondo' mampajajou ramuyun no, polosoon ilo manunat ra inan nilo saboi intaliin ilo galama'.

GALATIA 6:17

Ondo' pupus ti poyo, pai' noyo sangulun pana pampakapagon raki', sabap ra pipilat ru inan kutu noyo mampakito ra aku ti nanginsugut toojo ri Jisus.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

2 TISALONIKA 2:17

mampakatasu' am mampaikang ra guang mino. Maa' raginio makapambaal am makapampatanou kau boo ra atan ondo' moonsoi.

1 TIMOTIUS 3:1

Ragu ragitio motopot: “Amon ru sangulun makaguang maningganai ra pasimpungan ulun Kristian, masaga' io ra rondo' kandoi ondo' mokoonong toojo.”

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

2 TIMOTIUS 2:21

Koson ra osoi ayuk ondo' mangandoi ra Tuhan, amon ru tumalikur intor ra ngaangai' kalaatan, saukon io boo mambaal ra maatang. Pilion io sabap ra mokoonong ra pagilangan ru tuan nano. Nakatampos io noyo pongondoyon ra atan ayuk baal moonsoi.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

TITUS 3:1

Pakaraa' noyo ulun muno ondo' mangintopot no ra gumagaya' ra tingganai am pamarinta no, koson masaga' toojo mambaal ra atan ayuk kandoi moonsoi.

TITUS 3:14

Ulun takau musiti' migigila' ati kulaan mambaal ra moonsoi. Ginio makapangindangan toojo ra ulun ondo' kolondo' kaukapan am mambaal ra kaayagan nilo pana makaampos.

TITUS 3:8

Motopot ragu raginii. Masaga' aku ra mampakaatang kou toojo ra kaintutunan raginio, maa' raginio ilo ondo' mangintopot ri Aki Kapuuno' makapambaal ra kandoi moonsoi. Ngaangai' ti moonsoi toojo am mokoonong ra ngaangai' ulun.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.