MATIUS 25:5 - Tanou Moonsoi Timugon

⁵ Ungkuyon uatin ti nabuoi minatong am pokororot ngaangai' ralaa ti.

MATIUS 25:5 ပူးပေါင်းရင်းမြစ်များ

RIMBAI PANGAMPARAN 3:1

Rondom karondom, giu' ra katil kuno, maupi ku ambai kuno; uyumon ku io kaa' kalo matuum ku.

RIMBAI PANGAMPARAN 5:2

Mombolong aku kaa' guang kuno kalo mokororot. Iningo' noyo, ambai kuno nanitik ra kulobon. Iowo' aku mumpos, okou kalumpusan kuno, susuit asang kuno, kawa' ru guang kuno. Naasa' ulu kuno sabap ra bolobou, am abuk kuno natikop ra posok ru bolobou ru rondom.

RIMBAI PANGAMPARAN 5:3

Bayang kuno inalus ku noyo; kua kinua' sulungi' ku saguli'? Kalayam kuno pana binaguan ku noyo; kua kinua' jamali' ku poyo?

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

MATIUS 24:48

Kaa' amon ru ulipon ti ulun malaat, mampaguang io, ‘Mabuoi tuan kuli sumaguli'.’

MATIUS 25:19

“Kabuoi ragili, tuan i saguli' am umaa' ru ulipon-ulipon i koson manguntob ra ruit pinailayan nali risilo.

MATIUS 25:4

Kaa' limo ngaulun ralaa ra matanda' ti nagibit ra pilasut am umau masuang.

MATIUS 25:6

“Paat ra tanga' ru rondom, pakaining ilo ra bolos giminolok, ‘Ungkuyon uatin sumuku' noyo! Ibok umaa' min io!’

MATIUS 26:40

Saguli' Io boo ra talu ngaulun maamaya' Nano am ilai' No nombolong ilo. Indagu Io ri Pitrus, “Kua ra akau talu ti kalo makapaginaa mabaya' Raki' saboi sanjam ayuk pana?

MATIUS 26:43

Saguli' poyo i Jisus am ilai' No maamaya'-maamaya' Nano nombolong ilo poyo saguli'! Matikoolong ilo kaga'.

LUKAS 1:21

Liliwa' raginio, ulun masuang no naginaa ayuk ri Jakaria. Nangimuag ilo sabap ra nabuoi io kaga' giu' ra ralalom ru Baloi Tuhan i.

LUKAS 12:45

Kaa' amon ru kon ru guang ru ulipon no, ‘Mabuoi sagulian ru tuan kuli,’ am tumalimpuun io mampalamba' ra ulipon ra bokon, ungkuyon am ruandu', mangakan am manginum io saboi magauk,

LUKAS 18:8

Balain takamin, salasayon niayuk ri Aki Kapuuno' ra mataki'! Kaa' paat ra Anak ru Ulun no matong, mokoondo' kia ulun mangintopot Riso?”

LUKAS 20:9

Tunungo' ri Jisus abig ragitio ra ulun-ulun no, “Mokoondo' sangulun nantanom ra anggur ra umo nano. Pasiwai' no ra kukula' ngaulun, am ugar io minongoi ra sampagunan am nabuoi io ra giu' i.

ROMA 13:11

Baalo' min ginio ngaangai' am pai' poyo pombolong sabap ra mapandayan min noyo ra raino ti musiti' pagilalain min sabap ra orou pamayagan ritakau mamaar poyo intor itakau talimpuun pangintopot.

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

PINAINTALANG 2:25

Kaa' guuto' min noyo pangintapatan mino Raki' saboi ra Aku matong.