MATIUS 25:44 - Tanou Moonsoi Timugon

⁴⁴ Indagu ilo boo Riso, ‘Kaa' Tuhan, sanggilan kia akai nakakito Rirun naitilan, kapoam pinaason, kapoam nasauk ra ulun bansa' ru bokon, kapoam kolondo' bayang, kapoam narualan, kapoam inaput am akai kalo nangindangan Rirun?’

MATIUS 25:44 ပူးပေါင်းရင်းမြစ်များ

JIRIMIA 2:23

Ati kulaan kia okou mindagu ra kalo majamol kou, am ra okou kalo igondo' samba ra sinungkalalaing Baal? Ilai' ga binaal muno giu' ra limayak; makatula kou ra giu' no. Koson kou ra unta masigo ondo' makipaa', ondo' nagisimbul ra giu' am giti, kalo mororo',

JIRIMIA 2:35

lakat poyo mindagu kau, ‘Kolondo' sala kuno; maaru' kalo boo sumangit Tuhan raki'.’ Kaa' Aku, Tuhan mangukum ramuyun sabap ra marara' kau mangiou ra tula min.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MALIAKI 2:17

Binaal min Tuhan nasuraan ra ragu-ragu min. Kaa' nangkuot kau, “Ati kulaan akai nambaal ra Tuhan nasuraan?” Mindagu ra, “Ngaangai' ulun ondo' nambaal ra malaat karaan ra moonsoi ru Tuhan Ondo' Maayo Kaga' Kuasa', am maansayan Io risilo.” Kapoam mangkuot ra, “Ati kia i Aki Kapuuno' ondo' karaan ra matimpok no?”

MALIAKI 3:13

Mindagu Tuhan, “Ragu-ragu min magasab kaga' Raki'. Kaa' mangkuot kau, ‘Atan kia ondo' raguon mai intor Rirun?’

MATIUS 10:41

Osoi ayuk mangapu ra nabi sabap ra io sangulun nabi, ampos ondo' moowot no mogondo' ra ampos ru sangulun nabi. Osoi ayuk mangapu ra ulun sabap ra matanda' paliso nano, io pana mokoowot niayuk ra ampos ru sangulun matanda'.

MATIUS 25:43

Ra Aku sangulun bansa' ru bokon, kalo inapu min Aku ra baloi mino. Ra Aku kolondo' bayang, kalo inanian min Aku ra bayang. Ra Aku narualan am inaput, kalo inongoi min Aku ilai'.’

MATIUS 25:45

Tumaam raja' ti, ‘Balain takamin: Paat ra akau kalo nangindangan ra sangulun kalo maatang ti, ginio nogondo' ra akau marara' nangindangan Raki'.’

MATIUS 5:6

Pakaansuk noyo ulun ondo' maguyum ra kasagaan ri Aki Kapuuno', sabap ra basugon ilo ri Aki Kapuuno'.

MATIUS 7:22

Paat ra Orou Pupus no masuang ulun mampiau Raki', ‘Tuhan, sala' ka kia ralalom inggalan Muno nampatanou akai no ra Tanou Moonsoi; am ralalom inggalan Muno nampagiru' akai ra riwato-riwato, am niayuk nambaal ra masuang kaimuagan?’

LUKAS 10:29

Kaa' mangingila' ra Ukum ri Musa no masaga' mampakito ra io motopot. Pangkuot io, “Osoi ulun ra bokon ondo' tagamin kuno?”