MATIUS 25:34 - Tanou Moonsoi Timugon

³⁴ Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

MATIUS 25:34 ပူးပေါင်းရင်းမြစ်များ

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

AMSAL 11:17

Ulun ra moonsoi guang maulian inan nano galama'; ulun ra mapuka' mampalubat ra inan nano galama'.

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

JIPANYA 3:15

Linanggaan noyo ru Tuhan mangukum ramuyun; Pinagiru' No ngaangai' pantula' min. Tuhan, raja' ru Israil, mabaya' ramuyun, kolondo' boo ondo' mampakalalaa' ramuyun.

MATIUS 13:35

Baalon ri Jisus koson raginio maa' raginio masauk boo ragu ru nabi Jisaya, “Magabig Aku paat ra Aku mangila' risilo; Mambala' Aku risilo ra sauk ondo' kalo napandayan ru ulun intor ra tana' ti binaal.”

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

MATIUS 20:23

Indagu poyo i Jisus, “Maaru' manginum kau ra sangkir kaimbalaan Kuno. Kaa' manturung ra pamiris am kait Kutu sala' ka Aku ra kuasa'. Intok raginio mokoondo' noyo ulun inaru' ri Ama' Kuno.”

MATIUS 21:5

“Balai' mamagun ru bandar Sion, ilai' raja' mino matong ra raino ti rirun. Io no minggana' guang am siminakoi ra kaladai, am ra sanginan anak kaladai ondo' mamulok.”

MATIUS 25:21

‘Moonsoi,’ ragu ru tuan ni, ‘Okou ulipon ra moonsoi ondo' malansanan, sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan.’

MATIUS 25:23

‘Moonsoi,’ ragu ru tuan no, ‘Okou ulipon ra moonsoi ondo' malansanan. Sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan!’

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 27:37

Rasawat ru salip Nano pinolokot rondo' papan ondo' tinulisan ra, “Gitio noyo i Jisus, raja' ru ulun ru Jaudi.”

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MATIUS 5:19

Ginio ra osoi ayuk pana manggal ra Ukum ri Musa kabalu' pana koborok ayuk am koson niayuk raginio mangila' io ra ulun ra bokon, ulun raginio karaan kalo maatang ra gino ngai' ru ulun ri Aki Kapuuno'. Kaa' osoi ayuk pana gumagaya' ra Ukum ri Musa am mangila' ra ulun ra bokon koson raginio, ulun raginio karaan maatang ra gino ngai' ru ulun ri Aki Kapuuno'.

MARKUS 10:17

Paat ri Jisus minintor, nanunggul ra pangkiralanan Nano, ratong sangulun nasisimbul rumampot Riso. Ulun no igulatur ra saang ri Jisus am pangkuot, “Mangingila' ra moonsoi, atan musiti' baalon kutu koson mokoowot ra kaayagan ondo' motopot am mantilayun?”

MARKUS 10:40

Kaa' osoi ondo' tumurung ra pamiris am kait Kuno sala' ka Aku mangatang. I Aki Kapuuno' mangatang osoi panturungon ra intok raginio.”

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

LUKAS 11:50

Ginio boo ra ulun ra raiti' ukumin sabap ra namatayan ra ngaangai' nabi intor ra tana' ti binaal.

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

LUKAS 19:38

Konilo, “Kabarakat noyo Io ondo' minatong nabaya' ra kuasa' ru Tuhan! Kaansayan giu' ra suruga', am koompor toojo i Aki Kapuuno'!”

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 12:13

Alapo' nilo raun palma am ongoi uma' Riso, golok ilo, “Omporo' noyo i Aki Kapuuno'! Kabarakat noyo Io ondo' matong ralalom ra inggalan ru Tuhan! Kabarakat noyo raja' ru Israil!”

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

JUANIS 19:15

Ginio ra golok ilo, “Potoyo' Io! Potoyo' Io! Salipo' Io!” Pangkuot poyo i Pilatus, “Salipon ku kia raja' min ti?” Taam tingganai imam Jaudi no, “Rorondo' ayuk raja' mai, i Kaisar.”

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

ROMA 8:17

Sabap ra itakau noyo anak ri Aki Kapuuno', makaapu takau ra barakat Nano ondo' inula' No ra ulun Nano. Mabaya' ri Kristus, makaapu takau poyo ra atan ondo' inula' noyo ri Aki Kapuuno' Riso. Sabap ra amon ru itakau makaaya' maimbolo' koson ri Kristus, makaaya' takau niayuk katulayon koson Riso.

1 KORINTUS 15:50

Pabukat kau ngaangai', ondo' kon kuli ra inan takau, iono kual am raraa', kalo makasubol ra Tana' Bagu ri Aki Kapuuno'; sabap ra inan ondo' mapandai mapuso no kalo noyo mantilayun.

1 KORINTUS 2:9

Kaa' koson tinulisan ra Buuk Kitab, “Atan ondo' kalo igondo' kakito am korongog ru ulun, ondo' kalo igondo' karaa' ru ulun ra mabaal, ginio inatang ri Aki Kapuuno' ra ulun ondo' motogom Riso.”

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

GALATIA 5:21

Am mangkinibit poyo ra mangusolon, magauk, rumamai ra jajajou am mansalinut poyo. Pinakara' ku ramuyun raino mogondo' ra aku nampakara' noyo ramuyun ragili; ulun ondo' makapaliso koson raginio kalo makaliman ra Pamarintaan ri Aki Kapuuno'.

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

2 TIMOTIUS 2:12

Amon ru tumaan takau, makapamarinta takau niayuk mabaya' Riso. Amon ru magali' takau Riso, Io pana magali' ritakau.

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.

IBRANI 4:3

Kaa' itakau ondo' mangintopot, makatangus mabaya' Riso koson ra rinagu Nali: “Masisang saboi nagibot Aku risilo: kalo noyo makasubol ilo ra pagun nilai am tumangus mabaya' Raki'.” Minindagu Io koson raginio kabalu' pana kandoi Nali nopongo noyo intor ra tana' ti biningkal.

IBRANI 9:26

Sabap ra amon ru koson poyo raginio misasaguli' Io potoyon intor ra tana' ti biningkal. Kaa' sotopot no, raino mamaar noyo ra pamupusan, riminatong noyo i Kristus igondo' ayuk koson mampataak ra painawo Nano mamuso ra tula ru ulun am ginio sama' ra sabuoi-buoi no.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

1 PITRUS 1:9

Sabap ra noowot min noyo ampos ru pangintapatan mino, ioginio pamayagan min.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”